更新日期: 2014 年 08 月 27 日
又到月尾,亦係糧尾,仲有捱多幾日先到出糧,Lady C.通常接近糧尾就會去團購網望下,睇下有乜抵食夾大件。當然,仲會刮下有咩卡去食飯有著數優惠啦。
見到星展COMPASS VISA有個優惠 (詳情),可以用$1 COMPASS Dollar加$217買California Pizza Kitchen (CPK) 二人套餐券,呢個套餐原價$400,即係54折食到。套餐包括湯 (兩客)、頭盤或沙律 (四選一)、薄餅或意粉 (四選一)、甜品 (二選一)、飲料 (凍檸檬茶或汽水兩杯,免費添飲)。CPK啲嘢都幾大件,所以呢個餐都算抵食。睇返個套餐Menu,個人心水會揀墨西哥粟米湯、燒烤雞肉沙律、夏威夷燒烤雞肉薄餅、熱朱古力布朗尼蛋糕雪糕新地。