5張儲KrisFlyer哩數信用卡一覽

5張儲KrisFlyer哩數信用卡一覽

相關信用卡:

5張儲KrisFlyer哩數信用卡一覽

發表日期: 2016 年 09 月 08 日 更新日期: 2016 年 09 月 08 日 旅遊

作者:Salad Ho 沙律

有人問有邊張卡可以儲KrisFlyer~本來中銀有張同新航合作嘅信用卡,不過而家已經停咗合作喇。好彩有神一般的Ching大大提提(雪地跪地求謝),原來仲有其他信用卡可以儲到KrisFlyer哩數㗎,屈指一算,嚟個小小比較先。 


1.比較兌換里數手續費

5張卡裡面,得Citi Prestige信用卡兌換里數係免費!表面上贏晒,不過魔鬼藏在細節,佢最低入息要求HK$ 600,000,要求比較高。而看似第2抵嘅匯豐卓越理財信用卡,全面理財總值都要有港幣1,000,000元或以上⋯⋯睇嚟可以免費兌換KrisFlyer里數嘅都並非泛泛之輩,有緣睇到呢度請PM小妹認識認識。

2.比較哩數兌換率、年費、最低收入要求

渣打WorldMiles卡同Citi Prestige信用卡個哩數兌換率都一樣咁低,本地$6/1里,海外$4/1里。不過睇埋年費同最低收入要求,渣打WorldMiles卡比較親民,年費仲有首年年費豁免,不過自從AM嗰張卡出咗之後,呢張卡好似被放棄咁了。

3.比較迎新及其他優惠

CITI REWARDS信用卡同渣打銀聯雙幣白金信用卡嘅迎新優惠都幾吸引,帶現金劵同實用禮品任君選擇,最低入息要求都夠貼地。

總括而言,個人會推CITI REWARDS信用卡,因為入息要求唔高,而且彈性較大,可以儲KrisFlyer仲可以儲AM/Avios,超市、百貨公司、電訊類$3 / 1里,日常生活用得著,夠貼身。