360度看大阪 大阪最高百貨公司ABENO HURUKAS

360度看大阪 大阪最高百貨公司ABENO HURUKAS

相關信用卡:

360度看大阪 大阪最高百貨公司ABENO HURUKAS

發表日期: 2016 年 09 月 08 日 更新日期: 2016 年 09 月 08 日 旅遊

作者:Stella Yeung


今次大阪之旅主要行程之一就係去大阪最高嘅百貨公司「ABENO HURUKAS」,可能你哋會話我無啦啦去咩鬼百貨公司呀,要行街去難波、心齋橋好過啦!我去得依到一定有原因嘅!「ABENO HURUKAS」除咗有百貨公司之外仲有離地300M嘅展望台,空中花園同直升機坪,可以360度睇晒大阪嘅風景!高樓大廈嘅景我地香港就多啦,但日本啲樓唔高,企上咁高嘅位置睇一定另有一番風味,去咗咁多次大阪,次次都係行街行到傻,所以今次決定用半日時間去放鬆一下啦 (低層都可以行街嘛,哈哈) !

▲今次目的地就係 - 阿倍野HARUKAS


▲入到去第一間食啲嘢先,見到依間Pancake Days外賣超吸引,所以就擇咗佢啦!


▲佢哋大部的食物都會有哈哈笑,就連餐牌都係哈哈笑㗎!


▲最後我揀咗 <乳酪忌廉雜莓Pancake ¥1,050> 同 <雜莓沙冰 ¥780> 
個Pancake Cream 超好味呀,因為係加咗乳酪關系令到個Cream甜而不膩!而沙冰都好滑身,唔會有一舊舊冰粒出現,推介!


▲第二站就鐵道模型店啦!


▲點解無啦啦要介紹鐵路模型店 ? 因為除咗可以買模型之外,仲可以放你哋自已嘅鐵路車落路軌玩!我真係第一次見到鐵路都可以咁玩咋!


▲仲有路線價錢添,超搞笑!


▲藥妝店都有,價錢仲同出面差唔多添!除咗一般商店街嘅藥妝店有嘅嘢之外,佢有啲外面未見過嘅商品㗎!


▲依個超大包裝大家應該未見過啦!


▲除咗固定嘅商店之外,佢地會定期有啲限定商品keep住新鮮感,今次我去就見到有浴衣店啦!


▲有好多價錢比大家選擇,全部都係自已揀自已襯,質料同款式仲超好添!


▲日本買雪肌精比香港平好多,好多香港人都會入貨!但一般要去藥妝品先會搵到,依家雪肌精開始進注百貨公司,今次係Abeno Hurukas都會見到佢地嘅專櫃㗎!


▲如果講到手信推介我會推介依間,佢係Tokyo banana嘅公司出㗎!


▲另外手信推介係<花一會>,佢係一包包茶漬湯包同昆布湯包


▲包裝都靚,同熱水浸住佢地,焗一陣佢會變成茶漬湯或昆布湯啦!


▲今次重點嚟啦!!!!! 就係要去HURUKAS 300,即係要上300m高嘅60樓


▲只需要坐45秒就可以上去到60樓啦!係300m睇落去嘅大阪,依家天氣唔好,如果有藍天白雲一定會靚好多㗎!


▲我覺得夜景仲靚,好有feel!


▲360度都可以睇到大阪嘅景色,其實佢哋個建築真係幾靚!下面一層就係空中花園同餐廳!


▲佢哋仲有個ABENOBEA同大家合照,佢會因應唔同嘅天氣有唔同嘅造型同大家見面!晴天就會係雲,落雨會係雨點,就連落雪都會有雪嘅造型㗎!


▲再上多一層就上到直升機停機坪,真真正正感受300m高空嘅風景!因為無玻璃嘅關系睇落去真係壯觀好多!超推介大家上去停機坪呀!


▲如果大家上HARUKAS 300嘅展望台、空中花園、Sky Garden的話,睇返以上嘅價目表!


▲要上直升機坪的話就要係60樓另外再買票,票價係¥500,一日有12-14場,每場可以留30分鐘!

ABENO HARUKAS網站 :
http://www.abenoharukas-300.jp/tc/

地址 : 大阪市阿倍野区阿倍野筋1-1-43