160呎樓的悲歌!

160呎樓的悲歌!

相關信用卡:

160呎樓的悲歌!

發表日期: 2016 年 10 月 05 日 更新日期: 2016 年 10 月 05 日 生活

作者:高俊權 (高sir)

<高sir隨筆>:香港樓市近月反彈之勢, 可謂一時無兩, 中原樓價領先指數連續錄得反彈, 今天, 距離2015年度九月份的歷史高位比較, 只有約百分之六的跌幅, 個別二手盤更相對2015年9月的價更為高昂!

整体樓市可謂一下子反彈至上年度高峰水平, 本來樓有升有跌唔出奇, 但政府講既野就堅尼地! 一而再, 再而三地在傳媒上向公眾話樓價今日跌幅, 是政府堅持努力的成果, 唉! 不禁令人為之嘆息, 感嘆在政府官員真的如此脫節? 樓價明顯已由谷底反彈, 竟不知世情! 也感歎政府高官站在高地看民情, 完全充份話比大家知民間苦況不知為何物~

喂; 大家一面鬧政府, 又鬧發展商點解賣到呢樓咁貴的同時, 其實發展商為左用高價去散盡手上既貨, 已經好比面同做到好慷慨嫁了! 大家上車咁辛苦, 發展商發展劏房豪宅, 一來滿足大家住豪宅的心願, 二來劏間160呎的房, 就算賣到2萬幾蚊一呎, 賣出黎個額都可以係400萬, 提供埋按揭優惠比你上車, 可能攞幾十個出黎就攪得掂, 幾十個今時今日, 以香港人的人工, 或全家動員嘔出黎唔係難事啦!

所以可以咁講, 當今香港, 要買一間屋其實唔係難事, 難就難在九成按揭的糖衣陷阱背後, 每個月攞左大部分人工去左供樓之餘, 仲要有錢吃喝玩樂, 又可以有錢找個女朋友之餘, 到結婚又可以由間160呎樓換番間最少400呎的樓比埋個老婆, 嗱!做到咁冇野好講, 咁先叫叻仔!曲線要講明, 即喺話, 上車唔難, 但中途你轉到車既, 你先好同人講你係叻仔!

發展商好無良就一定! 我們用番果個160呎, 賣成四百萬的盤為例, 示範單位已經攪到有咁掂得咁掂, 無奈個積實在太細, 發展商個designer用盡九牛之力, 真係攪唔掂個屎坑度門, 咁可以點?

其實; 發展商又唔駛咁過意唔去既, 一黎個單位攞明係一人單位, 冇人叫你兩條友或成家去屈蛇咁親密嫁, 二黎講緊一個人住, 去屎坑唔閉門, 是常識罷! 唯一講發展商冇良心既, 就係佢地唔夠細心, 好應該裝把勁d既抽氣扇, 嗱! 去屎坑唔一定關門既, 仲可以話比人知, 我哋裝左個好強既抽風系統, 無論你攪到個屎坑幾香都好, 一定包你全屋冇味! 原理就同我地去食韓燒一樣!

如果咁有idea, 賣貴多100萬都大把人搶啦!荒謬~!