Jusco Living Plaza 12蚊店相信好多人得閒都會行 , 大部分都係會行家品或蛋糕工具部 , 因為又便又多款呀嘛
其實12蚊店仲有好多唔太起眼但又實用嘅好物㗎 !
平時帶大家買得零食就多啦 , 今次就帶有大家去旺角創興嗰間12蚊搵好嘢 !!!!!
今次用咗$120買10件嘢, 因為12蚊店有啲貨係貴過$12 , 所以今次只限買$12嘅貨品
我揀咗10件貨都係女性向 , 如果睇緊我嘅Blog而你係男仔嘅話 , 咁你更加唔可以撳交叉離開
因為男士們睇完我今次嘅介紹 , 會令你哋銀包慳返唔少錢 , 得閒買啲生活小品 , 唔一定貴價錢的禮物一樣可以哄到女士們開心
唔講咁多廢話 , 快啲介紹下我揀咗邊10樣嘢先~
一共10件 , 每件都係$12蚊 抵到震
第一件 我揀咗利是封 !
可能我已經到咗好多朋友比紅色炸彈嘅階段
比人情一般都係用普通利是封或賀禮封 , 但朋友一生一次人生大事
作為朋友都想靚靚仔仔送一個祝福 , 所以依個結婚利是封真心一點都唔失禮
收到個個睇到封利是封都會特別開心又有印象啦
除咗結婚利是封仲有其他宴會嘅利是封㗎~
第二件 揀咗Passport套
點解會揀佢? 因為真心好 , 有邊到搵到$12蚊一個Passport套
佢嘅包裝係有啲唔靚 , 但除咗佢嘅包裝就正常好多
係一個淨紫色 簡單又唔誇 一點都唔失禮
入面間隔好好似上面張相咁~
passport話晒都要用10年當然要好好保護好佢啦
第三件 揀咗浴球
依個真係超級無敵抵 , 因為一般浴球最少都要$30up
之前去泰國買咗浴球大約HKD$45一個 , LUSH大約HKD$60-70一個
所以相對$12蚊係咪好平呢 ?
佢係浴球入面仲會有一個隨機公仔 , 好得意㗎
$12蚊店仲有好多唔同包裝選擇添
如果要同LUSH比較的話 , LUSH會大粒好多 ,泡泡都會多好多
但價錢相比Jusco Living Plaza平好多 , 可以買2粒打孖上
可以都有差唔多嘅效果
*浴球用法 最好先用手整散浴球 再落水 泡泡會多好多㗎
第四件 冰袋
唔知大家有無睇過呢個冰袋
可能大家見到依個包裝都唔知佢係冰袋
其實佢唔單止係一個冰袋 , 仲可以放熱水用
佢依個Size細細都適合 , 一般再大Size係比運動用嘅
冰水可以牙痛 , 肌肉酸痛 , 運動受傷
熱水主要比女士月經痛可以舒緩
所以用途都好多㗎~
第五件 濕嘅棉花棒
依個我諗大家都唔陌生啦
佢係每支獨立包裝 , 每支棉花棒都係濕
可以女士們補妝或者溶妝可以用
其實真係幾方便!!
第六件 防潮墊
包裝話佢係廚房食器棚 , 但其實都唔係只有一個用途嘅
依個香港以前更潮濕 , 好多時櫃桶都會少少發毛
有時化妝櫃都一樣會有依個問題
所以依個防潮墊就可以幫到手
好似以上圖中咁就唔怕櫃桶天氣潮濕發霉啦
仲要圖案咁靚 , 令個櫃桶生色不少 , 放化妝品真係一流
第七件 洗掃水
依個大家都一樣唔陌生啦 , 但真係必買第一位 !!仲要長期都無貨㗎
因為$12蚊一支洗掃水真係超級抵 , 雖然佢只係150ml
但除開所有出面買嘅洗掃水都無佢咁抵
但好多人話平都要好用先得㗎 !!
以我咁多年化妝經驗 , 化妝都要洗啲化妝掃㗎嘛
依個隻真係好用 , 唔會太油 , 味道清新 , 如果唔係要洗唇掃的話
佢依個係100%清潔乾淨
如果唇掃就要搵重油份嘅洗掃水效果會好啲
其實的話依支洗掃水完全無問題
眼見好似得個150ml咁細支 , 都可以用幾耐㗎
我自己每次洗10-20支掃 , 有大掃有細掃 (大掃用嘅分量自然較多)
已經用咗5-6次 , 但仲有3分1洗掃水淨
一般正常唔會好似我咁多掃洗嘅 所以會比我呢個例子用得更耐
洗掃方法下次再教大家 !!
第八件 入水啞鈴
一入到夏天好多女士們都話喊住話要減肥 , 因為我都其中一個 哈哈
但女仔真係唔可以用咁重嘅啞鈴 , 輕輕地一個做少少力量嘅阻力咁就足夠
所以依個入水啞鈴只係得1KG , 啱晒女士們
其實我之前已經想係淘寶到買 但淘氣一個都要¥10.8-13.8人仔一個
仲未計運費 , 所以你地話$12蚊店抵唔抵呢? HAHA
第九件 電線收納魔術貼
Iphone線 , 電髮器線線線線.....
總之有線嘅嘢用可以用到佢
佢只會令所以有線嘅㗎變為整齊
好似我依咁 , 用收納魔術貼就唔會怕電線亂晒啦
第十件 物件收納掛袋
依個隨你放咩都得 , 放化妝品 , 放飾物 , 放文具等等
我揀佢係因為佢嘅格數比一般收納袋大
放嘅種類會更多
Stella Yeung 小貼士 :
AEON感謝日95折優惠
每月2號及20號，於AEON簽賬購物可獲95折。
(美食廣場、特許經營商戶及部份指定貨品除外。)
GIVEAWAY時間又到啦
最後Stella Yeung想同大家分享今次推介嘅10種好物 , 想再同大家玩個GIVEAWAY
今次GIVEAWAY需要你哋用無限嘅創意 , 講下覺得12蚊店仲可以加入咩貨品同原因 ?!
我會揀最有創意同有趣嘅答案 (一名) , 送晒以上10種推介貨品畀佢 , 快啲去HongKongCard嘅FB Page一齊玩啦 ~
參加方法:
1. Like HongKongCard Facebook Page , Like and Share依個GIVEAWAY嘅POST
2. 留言講低覺得12蚊店仲可以加入咩貨品 , 有咩特別之處
3. 活動日期 : 即日起至2016年4月12日中午12時正
*每人只限參加一次*
*HongKongCard.com保留最終決定權*
係咪簡單又易容玩呢 HAHA 快啲一齊玩啦 , 等緊你地啊 !
最後Stella Yeung想同大家分享今次推介嘅10種好物 , 想再同大家玩個GIVEAWAY
今次GIVEAWAY需要你哋用無限嘅創意 , 講下覺得12蚊店仲可以加入咩貨品同原因 ?!
我會揀最有創意同有趣嘅答案 (一名) , 送晒以上10種推介貨品畀佢 , 快啲去HongKongCard嘅FB Page一齊玩啦 ~
參加方法:
1. Like HongKongCard Facebook Page , Like and Share依個GIVEAWAY嘅POST
2. 留言講低覺得12蚊店仲可以加入咩貨品 , 有咩特別之處
3. 活動日期 : 即日起至2016年4月12日中午12時正
*每人只限參加一次*
*HongKongCard.com保留最終決定權*
係咪簡單又易容玩呢 HAHA 快啲一齊玩啦 , 等緊你地啊 !