12月升唔升?港鐵買唔買?
12月升唔升?港鐵買唔買?
相關信用卡:

12月升唔升?港鐵買唔買?

發表日期: 2015 年 12 月 04 日 更新日期: 2015 年 12 月 04 日 生活
作者:任以風

以11月30日收市計,恒指2015年頭11個月累積跌1,608點或6.8%,而國指大跌2,194點或18.3%。12月會否是是本年最後一個賺錢機會呢?恒指12月頭兩日交出兩連升表現,係威係勢。

 

每到12月,身邊總有人話基金大戶係時候要「粉飾門窗做靚盤數」。不是說此想法無道理無邏輯,不過交數總有個期限,12月底一堆假期,極其量也是12月初追數。另外聯儲局議息會議就正正在12月15和16日,月初又有歐央行、油組等等一籮會議,要追數又是否夠薑All In呢?

目前恒指於22,400點水平三線匯聚,一幅傳統待變格局,大部分技術指標都顯示12月方向真係剛剛5,050。想買都要等啲線穿咗先,亦唔好旨意12月內一定可以食糊走人,目前情況大有機會1月先開波升過。

最近好多人討論,港鐵(00066)而家買唔買得過,特別股息好吸引。
 


首先要問自己長揸定短炒。

短炒宜留意幾個要素。首先由於方案需要股東大會通過方可作實,現時無入手必要性,只要除淨前買就可以,除淨日暫時未定,而股東大會將在2月1日前後進行。最近大家都知電能(00006)同長建(00038)因為過唔到大會合併不成,所以有基金收貨玩嘢亦不出奇。

另外如果一味睇住特別息,要小心除淨過後,因為小股東收到股息後離場,會形成沽壓,有賺息蝕價風險。補充一點,整個操作要過股東大會和立法會兩關,即使股東大會過到,而垃圾會表決出問題,就…

長揸方面,好多媒體話派特別息[會影響之後幾年盈利能力],此乃天大廢話,難道派完息會減車費?對收入的話係零影響。至於借錢派息的確產生額外費用,come on,百零億貸款在此類龍頭企業算甚麼?

派特別息的確會清空公司儲備,影響之後幾年的派息,另外封頂協議指明如再次超支就要港鐵包底,是另一風險。

本文不構成任何買賣投資產品建議,亦不構成任何個別股份買賣操作建議。