政府1萬蚊已經開始派發，收到1萬蚊，如果唔係急需洗咗佢，可以擺邊度增值呢？本文為你準備好各大銀行港元定期利息同理財戶口利息，賺番啲都唔錯呀！另外，如果你仲未申請1萬蚊，留意1萬蚊派發計劃至出年年底截止申請，市民可透過21間銀行或香港郵政，以電子方式或書面登記領取，預計7月6日起發放款項。我哋幫大家整理相關資料，包括申請資格同埋辦法，睇完記得bookmark咗佢。（本文更新至2020年7月6日）
收咗1萬蚊點用好？港元定期利息+理財戶口利息一覽
當收到呢1萬，唔少人會諗住買嘢，亦都有人會儲起佢備用，順便再賺多少少利息同埋開戶獎賞，啱就即刻睇埋下面個表：
| 銀行 | 戶口種類 | 優惠利率 | 詳情 |
| 東亞銀行 | i-Account | - | 透過BEA Flash App手機開戶，迎新賞高達HK$150 |
| 中信銀行 | 定期 | 高達10厘 | 透過inMotion動感銀行，最多定期3個月$1萬，有高達10厘息。同時要成功登記「轉數快」，並綁定信銀國際戶口為轉數快預設戶口。 |
| 中國銀行 | 定期 | 4.3厘 | 新客戶做最多10萬元定期3個月，有4.3厘 |
| 交通銀行 | 定期 | 0.7厘 | 最低存款額$500,000，年利率0.7厘 |
| Citibank | 定期 | 1.6厘 | 要係全新私人客戶或Citigold客戶，以新資金開立3個月定期存款再申請埋指定綜合財富管理服務，存款額為$5至100萬 |
| DBS | 定期 | 0.75厘 | 透過DBS流動應用程式開立定期存款再用埋優惠編號，最低存款額$50,000，年利率有0.75厘 |
| 渣打銀行 | 定期 | 0.35厘 | 最低存款額$1,000,000，年利率0.35厘 |
| 眾安銀行 | 定期 | 1.15厘 | 一年年利率1.15厘 |
| 南洋商業銀行 | 定期 | 0.45厘 | 最低存款額$500,000，年利率0.45厘 |
| 上海商業銀行 | 定期 | 0.4厘 | 最低存款額$100,000，年利率0.4厘 |
| 富邦銀行 | 定期 | 0.85厘 | 最低存款額$500,000，年利率0.85厘 |
| 招商永隆銀行 | 定期 | 1.3厘 | 新客戶經「招商永隆銀行一點通」手機 App成功開立賬戶，最低存款額$500,000以上，年利率1.3厘 |
| 建行（亞洲） | 定期 | 0.35厘 | 存款額$100,000或以上，年利率0.35厘 |
| 工銀亞洲 | 定期 | 4.2厘 | 需經工銀亞洲手機銀行e開戶嘅全新客戶，經手機銀行開立3個月港元定期存款。存款額為$1,000至$100,000 |
利率只作參考，一切利率、匯價、條件以銀行為準。
登記收1萬蚊 銀行優惠
現時有21間銀行*參與現金發放計劃，申請者可以透過銀行網站或網上理財服務進行登記。除咗傳統銀行，都有一間虛擬銀行可以申請，就係眾安銀行ZA Bank，多間銀行為搶呢筆錢，紛紛推出優惠搶客。
*21間銀行包括花旗銀行、渣打銀行、中國銀行、交通銀行、東亞銀行、中信銀行（國際）、中國建設銀行（亞洲）、集友銀行、創興銀行、招商永隆銀行、大新銀行、星展銀行、富邦銀行、恒生銀行、滙豐銀行、中國工商銀行（亞洲）、南洋商業銀行、華僑永亨銀行、大眾銀行、上海商業銀行、眾安銀行
銀行 |
1萬蚊回贈種類 |
收1萬最高回贈 |
| 恒生銀行 | 抽獎 | $10,000 |
| 渣打銀行 | 抽獎 | $10,000 |
| 中銀香港 | 定期戶口利息 | $1,000 |
| 大新銀行 | 抽獎 | $10,000 |
| 中國建設銀行（亞洲） | 抽獎 | $10,000 |
| 中國工商銀行（亞洲） | 現金回贈 | $250 |
| 東亞銀行 | 抽獎 | $10,000 |
| 滙豐銀行 |
抽獎 定期戶口利息 |
$10,000 大約$83 |
| ZA BANK眾安銀行 |
現金回贈 抽獎 |
$1,000(活動已完結) $120,000 |
| 富邦銀行 | 現金回贈 | $250 |
| 星展 DBS | 現金回贈 | $50 |
| 上海商業銀行 | 抽獎 | 1 兩裝千足黃金 |
| 招商永隆銀行 | 抽獎 | $10,000 |
| 南洋商業銀行 | 抽獎 | $10,000 |
| 花旗銀行 Citibank | 現金回贈 | $68 |
| 中信銀行（國際） | 抽獎 | $10,000 |
東亞銀行 有機會額外獲取高達$10,000 開i-Account獨家再多額外$250獎賞！
由2020年6月21日至2020年8月31日，透過電子網絡銀行服務 (Cyberbanking) 或BEA App登記計劃登記將獲邀參加大抽獎，有機會獲取額外$10,000現金獎賞。參與客戶於推廣期內每進行一次轉數快交易，更可獲取額外一次的抽獎機會。頭獎︰$10,000現金獎賞（名額5位），二獎︰$5,000現金獎賞（名額6個），三獎︰$1,000現金獎賞（名額20個）。
而家經HongKongCard透過BEA Flash App手機開戶東亞銀行i-Account，有高達$250獎賞，即刻去開戶啦：
ZA BANK有派1萬多1千優惠，但留意細節
(Updated：6月15日，活動已經完結)ZA Bank，而家開戶登記額外送多$1,000，先要用活動邀請碼「 WANT11K」開戶，然後喺14日内成功邀請兩個人開戶，先攞到第一部分$400元；剩低$600會喺有收到1萬蚊之後入賬。名額有限！「 WANT11K」 嘅開戶名額會喺每日下午3點發放！
留意番，因為你邀請嘅朋友係要用你自己嘅邀請碼開戶，換句話說，佢哋就唔可以用「 WANT11K」邀請碼，即是食唔到派1萬多1千優惠。
(Updated：6月19日)另外，透過 ZA Bank App 登記及領取一萬元，即可獲得 0.6% 三個月港元定期存款加息券，並可參與抽獎，包括$120,000現金獎(名額：1個)、$10,000(名額：5個)
渣打銀行 每星期送3份1萬蚊現金獎
另外，渣打都有個抽獎推出咗，只要喺2020年6月21日至8月15日期間，透過渣打登記（包括Digital Banking、網頁上嘅登記表格、分行遞交），就有機會攞到，佢地每星期會隨機送出3份1萬蚊現金獎，隨時1萬變2萬！
恒生銀行 電子申請大抽獎 中獎名額9千個
由2020年6月21日至2020年9月30日，透過恒生銀行個人e-Banking或恒生Mobile App登記政府一萬元「現金發放計劃」，有機會獲得額外$10,000(名額：5個) 或$20現金獎賞(名額：9,000個)。留意返，曾經喺 2020年1月2日至2020年6 月30日，中過「個人 e-Banking 交易抽獎」嘅話，今次就無份喇。
大新銀行 終極大抽獎送多$10,000
首1,000名透過電子登記可獲$20現金獎賞。另外，所有遞交電子登記會自動參加終極大抽獎，可贏取$10,000(名額：5個) 。
工銀亞洲 送高達$250現金回贈
由2020年6月21日至2020年9月30日，經工銀亞洲個人手機銀行或個人網上銀行登記並於2020年10月31日前成功領取1萬蚊，就可以先攞到$50。之後，以工銀亞洲信用卡喺2020年12月31日前嘅本地消費可享2%現金回贈，高達$200。
中銀香港 額外定期利息優惠
由2020年6月21日至2020年8月31日，全新客戶透過中銀香港手機應用程式開戶，並登記政府「現金發放計劃」嘅10,000元後，之後網上開立港元定期存款，可享高達$1,000定期利息優惠。另外，有機會贏取額外$100,000（名額1名）、$50,000（名額1名）、$30,000（名額1名）、$10,000（名額12名）。
滙豐銀行 自動登記抽獎
2020年8月31日或之前透過滙豐登記政府現金派發計劃的客戶，都會自動登記參加抽獎，有機會獲取豐富獎品，包括：港幣10,000元（名額30個）、Apple iPad Air 智能數碼裝置（名額20個）、Apple iPhone SE 智能數碼裝置（名額60個）。
另外，以$10,000本金作儲蓄存款1個月，並完成最少一項指定網上交易，可享10%年利率優惠。
建行亞洲 電子登記萬元大抽獎
由2020 年6月21日至2020年9月30日，成功透過建行(亞洲)其中一種電子登記渠道完成登記，並以建行(亞洲)賬戶成功收款，即可自動參加大抽獎，有機會贏取額外$10,000現金（名額3個）或$800香格里拉酒店餐飲禮券（名額100個）。
富邦銀行 送高達$250現金獎賞 3.8%定期
由2020年6月21日至2020年8月31日，新客成功登記政府1萬元「現金發放計劃」，做足要求（開支票戶口、申請ATM卡、開Online Banking同電子月結單等），可享$250現金獎賞。另外又有定額$10萬新資金定期，3.8厘，不過只可以做1個月。
星展銀行 送$50現金獎賞
2020年7月31日前，以透過星展iBanking網上理財或digibank或DBS iWealth® app或星展網站電子表格或實體表格成功登記現金發放，即可獲取3個電子印花 (相等於$50現金獎賞) 。
上海商業銀行 有機會執到「金」
2020年8月31日或之前透過上海商業銀行登記並成功領取$10,000，即可自動參加大抽獎，有機會贏取千足黃金(名額：1個)、金幣(名額：7個)或$100餐飲禮券(名額：200個)。
招商永隆銀行 一萬蚊抽獎+紅包獎賞
2020年7月20日或之前透過「一點通」成功登記並收款，即可參與額外$10,000現金抽獎。而2020年12月31日或之前成功登記，仲可以獲取紅包獎賞。
南洋商業銀行 「1+1」萬大抽獎
2020年7月31日或之前透過南商網上銀行/手機銀行登記政府「現金發放計劃」，並成功於8月14日或之前透過南商賬戶收取款項，即可自動參加「1+1」萬大抽獎，有機會獲得額外$10,000現金獎賞(名額：1個)、Granda智能空氣炸鍋3L(名額：20個)。
花旗銀行 高達$10萬現金獎
2020年8月31日或之前透過Citibank網上理財登記現金發放計劃，可賺取$68現金獎賞。客戶並將自動參加大抽獎，有機會贏取10萬港元現金獎（名額1個）。
中信銀行 萬元雙倍幸運大抽獎
於2020年6月21日至8月31日期間，透過信銀國際網上理財服務登記政府一萬元現金發放計劃，即可自動參加大抽獎，有機會獲得$10,000（名額3個）或$50現金獎賞（名額1,000個）。
1萬蚊申請資格
申請資格好簡單，只要申請者係香港永久性居民，同埋喺2021年3月31日或之前年滿18歲就合資格申請，要持有以下其中一樣：
- 有效香港永久性居民身份證 (即於2003年6月23日或以後簽發嘅香港永久性居民智能身份證)
- 由人事登記處處長根據《人事登記規例》(第177A章) 發出嘅《豁免登記證明書》 。
另外，就算係已經移居海外嘅香港永久居民都可以申請。
點樣分到你係「香港永久居民」呢？
身份證有兩種，分別係香港「永久性」居民身份證同「香港居民身份證」。有三粒星「*」都唔代表係香港永久性居民。因為三粒星只係代表持證人年齡為 18 歲或以上及有資格申領香港特別行政區回港證，後面有埋個「A」字，先代表擁有香港居留權。
如果唔肯定自己係「香港永久居民」，可以睇吓自己張身份證，只要背面寫咗「香港永久性居民身份證」同埋三粒星「*」後面有「A」，就係香港永久性居民，今次有份收$10,000喇。
1萬蚊申請辦法
申請辦法有兩個途徑，最方便係經電子申請，喺銀行登記由戶口收錢。如果你無銀行戶口或者唔想用佢，都可以書面申請登記，以支票方式收錢。申請由6月21日開始接受登記，直到出年12月31日。
- 電子申請
- 經銀行網站登記，只需提交身份證號碼頭4個數字、戶口號碼，毋須提交姓名
- 經電子銀行登記，唔洗提交個人資料，回答簡單問題就完成
- 書面申請
- 按出生年份接受登記（電子申請不需按出生年份），喺過千個地點領取表格^後，填好之後寄去郵政信箱182020，或者去銀行分行交表，一般喺登記後兩星期收到支票。
| 出生年份 | 接受登記日期 | 收款日期 |
| 1955年或之前 | 2020年6月21日 | 2020年7月20日 |
| 1956年至1970年 | 2020年7月5日 | 2020年8月3日 |
| 1971年至2002年 | 2020年7月19日 | 2020年8月17日 |
財政司司長陳茂波表示，市民如果想快啲收到錢，建議用網上銀行登記，登記後一星期左右就可以收到錢。當局估計2020年8月底大部分人都會收到錢。
^表格可於網上下載、銀行、民政事務處咨詢服務中心、社會福利辦事處及房屋委員會豁下的公屋辦事處，總共千多個地方索取。