年費恆久免 一張永留存(二)
更新日期: 2014 年 05 月 07 日
是咁的，Lady C.我睇返上一次篇以永久免年費作為主題嘅文，見到有好多師兄師姐不厭其煩咁指教我，真心好感動。將Cash Dollars同enJoy Dollars撈亂兼報錯數係一錯，渣打Cilck-a-count原來唔再接受申請我又唔知！三錯係我上次冇講清楚會分幾集出，所以令到大家誤會我剩係介紹果幾間銀行，其實唔係！今次會講埋創興、AEON、Citibank、上海商業銀行同中國建設銀行(亞洲)，剩返永隆、永亨、東亞等，如無意外會下集完！
以上呢堆因為創興同AEON我唔太感興趣，所以自動略過，但都有有趣之處——我以為MSN Messenger等於MSN，同朋友食飯時講起好神奇地仲有張信用卡叫MSN@VISA卡存活時，被朋友一語突破盲點：「msn.com.hk仲存在緊架喎小姐」。OK，FF我出呢張卡，就算唔要吸塵機，我都會選擇$150超市禮券而唔係果塊無菌木砧板……(我認我唔識貨)
其實如果真係要推介，AEON中和民卡、Circle K卡算係實用。再唔係出張東瀛遊JCB卡都唔錯，畢竟JCB近年進取咗好多~~話唔定會再有免費搭叮叮之類嘅優惠
如果唔係Lady C.我大頭蝦成日唔見八達通(由擁有開始至今至少唔見過六張)，我可能會夠膽申請返張八達通Citibank信用卡/建行八達通銀聯雙幣信用卡，兩張都永久免年費之餘，迎新都可以選擇$200自動增值回贈！
唔要錢要電器，Citibank送咖啡機而建行送麵包機，好一個早餐完美組合！
最後都想講下建行eye Visa卡，有得自選圖片做卡面設計呢點Lady C.我好buy(雖則話其實好多圖片都會被ban，詳見呢度呢度)，而且呢期迎新禮物有潮物——新小米盒子！而Lady C.我就對扭扭椅都抱有濃烈興趣，大佬唔使點付出就有得瘦(好似係)，邊個唔想先？不過講真，對我呢啲三分鐘熱度嘅人嚟講，就算真係拎返屋企，相信件嘢都好快會淪為封塵榜十大……
HongKongCard 精選產品
渣打國泰Mastercard®
【里賞FanFest禮遇】由2025年12月1日起至12月31日期間，只要經HongKongCard成功申請渣打國泰Mastercard®可享：
- 免簽賬：HK$200 超市禮券 或 Apple Gift Card 或 HKTVmall購物禮券 或 cc.points^
- 免簽賬：5,000「亞洲萬里通」里數特別禮遇
- 全新信用卡客戶*揀里賞FanFest禮遇迎新~，首兩個月累積合資格簽賬滿HK$10,000享：
- 高達5,000「亞洲萬里通」里數（基本里數按簽賬類別計算）
- 交稅優惠HK$4＝1里數（高達20,000「亞洲萬里通」里數）
- 餐飲簽賬：HK$4＝1里數
^cc.point可以自由兌換不同禮券，例如：KKBOX／HKTVmall／Apple禮品卡等等。