年費恆久免 一張永留存(二)

年費恆久免 一張永留存(二)

相關信用卡:

年費恆久免 一張永留存(二)

發表日期: 2014 年 05 月 07 日 更新日期: 2014 年 05 月 07 日 生活

作者:Lady C.

是咁的,Lady C.我睇返上一次篇以永久免年費作為主題嘅文,見到有好多師兄師姐不厭其煩咁指教我,真心好感動。將Cash Dollars同enJoy Dollars撈亂兼報錯數係一錯,渣打Cilck-a-count原來唔再接受申請我又唔知!三錯係我上次冇講清楚會分幾集出,所以令到大家誤會我剩係介紹果幾間銀行,其實唔係!今次會講埋創興、AEON、Citibank、上海商業銀行同中國建設銀行(亞洲),剩返永隆、永亨、東亞等,如無意外會下集完!


以上呢堆因為創興同AEON我唔太感興趣,所以自動略過,但都有有趣之處——我以為MSN Messenger等於MSN,同朋友食飯時講起好神奇地仲有張信用卡叫MSN@VISA卡存活時,被朋友一語突破盲點:「msn.com.hk仲存在緊架喎小姐」。OK,FF我出呢張卡,就算唔要吸塵機,我都會選擇$150超市禮券而唔係果塊無菌木砧板……(我認我唔識貨)

其實如果真係要推介,AEON中和民卡、Circle K卡算係實用。再唔係出張東瀛遊JCB卡都唔錯,畢竟JCB近年進取咗好多~~話唔定會再有免費搭叮叮之類嘅優惠


如果唔係Lady C.我大頭蝦成日唔見八達通(由擁有開始至今至少唔見過六張),我可能會夠膽申請返張八達通Citibank信用卡/建行八達通銀聯雙幣信用卡,兩張都永久免年費之餘,迎新都可以選擇$200自動增值回贈

唔要錢要電器,Citibank送咖啡機而建行送麵包機,好一個早餐完美組合!

最後都想講下建行eye Visa卡,有得自選圖片做卡面設計呢點Lady C.我好buy(雖則話其實好多圖片都會被ban,詳見呢度呢度),而且呢期迎新禮物有潮物——新小米盒子!而Lady C.我就對扭扭椅都抱有濃烈興趣,大佬唔使點付出就有得瘦(好似係),邊個唔想先?不過講真,對我呢啲三分鐘熱度嘅人嚟講,就算真係拎返屋企,相信件嘢都好快會淪為封塵榜十大……