黃耀明以個人身份再戰紅館

各位樂迷又要撲！明哥於明年3月14、15日於紅館開個唱，持有東亞信用卡既話，可以於12月9日(即係下星期一)優先訂飛！今次優先訂票推廣做到12月13日，票價分為$580 / $380 / $250，手續費每張加收$25，每位持卡人最多可訂20張門票。

歌單、舞台設計、會唔會有嘉賓目前當然未有消息，只可以話明哥11月21日係Facebook Post左去東京睇living legend Paul McCartney演唱會，唔知會唔會從中汲取靈感呢？

除左唱功，明哥仲有一份「敢言」的魅力。2012年唱完《忘記他是她》同《禁色》後就公開宣佈出櫃，蘋果日報就好搞笑地估佢今年可能宣佈結婚，但就事實黎講，比到盡都係公開戀人身份姐。如果係真，我覺得到時會係達哥上台囉！