黃婉曼 新手老闆 新手媽媽

黃婉曼 新手老闆 新手媽媽

相關信用卡:

黃婉曼 新手老闆 新手媽媽

發表日期: 2017 年 03 月 22 日 更新日期: 2017 年 03 月 22 日 生活

作者:甦師父

前無綫天氣女郎黃婉曼前年跳出香港,到日本修讀法國藍帶麵包製作課程,之後跳回香港開麵包學校「RISE」,並聘得藍帶廚藝學校技術總監Stephane授業,「有人話香港人做唔到法國麵包,或者做唔到天然健康的麵包,我唔覺得係咁!」懷孕4個月的她母愛氾濫,自言是學校所有人的「大家長」,包保學有所成的學員學成後「可以自己開麵包鋪。」

▼已婚、現懷4個月身孕的黃婉曼,拒做少奶奶,親力親為打理麵包生意

兼顧兩個BB

懷孕4個月的黃婉曼養胎之餘還要兼顧生意,工作期間作嘔作悶都要死頂,「有咗BB,或成為(準)媽咪,對一個女人的影響都幾大;依家好佩服嗰啲家庭事業兼備的女人。」但她始終將BB放在首位,「始終係我第一胎,會畀多啲心機喺上面。呢樣嘢可遇不可求,BB好重要,雖然麵包生意都係我的BB,但有輕重之分。」

關心BB的不僅是黃婉曼,家中老人家落的禁令多,例如唔畀拎刀具或接近爐頭等,但她始終不放心放下麵包生意不管,「一定要返嚟睇住!」「我話畀自己知我唔係咁脆弱,自己小心就得,都會照入廚房,但做行政工作居多。」

粗身大勢都沒有hea住工作,日後BB出世,做人媽媽,怎樣分配湊仔同工作的時間?她想好了,一於將小朋友帶回公司,一邊工作,一邊湊仔,「一兩歲,佢咪喺出面個平台度跑吓玩吓。」(RISE有個約千呎平台,有時會搞BBQ)所謂近廚得食,RISE日日製作這麼多麵包,黃婉曼笑言,「或者佢細細個咪開始有麵包食。」

▼黃婉曼前年到日本修讀法國藍帶麵包製作課程


▼麵包學校外面有個約千呎大平台,閒時黃婉曼會呼朋喚友來聚餐,日後有意讓出世後的BB在這裏玩耍

母愛氾濫的「大家長」

黃婉曼雖然是麵包學校老闆,但絕無架子,訪問當日她一踏入麵包學校大門,就問員工穿的衣服夠不夠暖,又會談天說地,氣氛輕鬆,好像與朋友傾偈一樣隨意。

黃婉曼坦言,自從懷孕開始,就充滿母愛,對包括Stephane在內的所有員工如「仔咁湊」,「天氣凍,我會問佢屋企張被夠唔夠暖」,亦會關注學員學有所成後的出路,所以,黃婉曼表示,自己不僅是老闆,同時亦是「大家長」,「依家責任唔止係肚入面個BB,係要睇住所有BB。」

麵包學校開業成本要7位數,每月營運成本6位數,這盤生意絕非用來「賺錢買花戴」,「我唔想畀人覺得,只係有錢玩玩吓,絕對唔係!」對任何來到麵包學校學藝的學員,「我都肩負起佢哋的前途,有時候鼓勵佢哋有方向同目標、前景係乜、喺度學到乜嘢、未來方向係點。」

只要完成麵包學校的專業課程,黃婉曼寫包單說:「你一定識得由零開始做成條生產線,可以自己開麵包鋪。」

▼Stephane貴為前藍帶前廚藝學校技術總監,當然會名師出高徒啦

下一篇專訪黃婉曼的內容《黃婉曼 開麵包學校 唔係玩玩吓》:https://www.hongkongcard.com/s/djFRx