「麥包」與「環海」喊都無謂

<高sir隨筆>近日, <向西>一篇「環海.東岸業主的十年」 比人洗板, 實在抵<向西>咁多fans, 文中形容環海的業主, 未來十年間景況, 字裡行間實在笑中有淚, 也帶出了香港人一種無名的悲哀.「環海.東岸」之所以聲名大燥, 並不是因為發展商用料幾豪華, 也非地理位
置有幾優越, 學校網有幾咁到位, 其出名原因在於一個字「細」, 另一個字為「盡」!

提到上年度9月開賣, 一層建有36伙的環海, 實在好有六七十年代早期的公屋feel, 最細單位只有194呎, 沒有房間之餘卻設有接近20呎的露台, 實在諷刺到極點, 環海推出的時間, 正正就是上年度9月份, 即樓市倘未爆煲, 且升抵最高峯的時間, 當; 每一個人都習慣了一間屋可以唔夠200呎之餘, 仲要冇房但有露台的時候, 發展商更加過份地來一個一劏36伙的招數去賣樓! 這一劏36伙正是刺中心臟的致命一擊!

本來; 一個200呎的單位拎出去放租, 想租出難度唔高, 大把單身貴族, 留學生都可以承接, 問題係, 一層劏出36伙, 縱使唔係全部業主都打算放租, 假使一層樓得1成業主用以放租, 其假想敵一層至少都有4個對手, 一憧環海幾十層, 租盤個駛唔駛鬥劈先租得出? 你懂的!
藝人「麥包」早前買入一個單位後, 同傳媒講佢早年做生意如何失敗, 投資股票又失敗, 故轉而買樓最安全, 忍手咁耐, 一買就高調買左間「環海」, 仲話比全世界人知買比老婆收下租. 這段新聞, 近日比人翻出黎講, 一方面; 麥包用上發展商9成按揭, 收樓後放租, 如果個價無番咁上下靚, 根本做唔到「租cover供」, 即係自己要掏荷包比錢供啦! 二來, 美國加息週期岩岩開始, 港息未加樓市已經劈左一大截, 麥包收樓後賬面已經好大機會即時「坐艇」, 再加上面對一層36伙不知數目的租盤對手, 港樓供應開始增加, 市場選擇開始增多, 麥包仲可唔可以好似上年9月份咁, 同傳媒大大聲講放租$15000? 你又懂的.

有些時候, 成敗得失不能總是賴無運, 當你下注之前, 機會是給有努力做過功課的投資者, 執筆時, 市況如下:

2016年, 奧運站海桃灣一個約460呎單位, 以約560萬售出.
2016年, 西九龍長沙灣昇悅居一個約500呎單位, 以約$13800租出.
2015年 環海.東岸一個200多呎單位, 當日售價約350萬
2015年 環海. 東岸的業主, 當日打算以$14000-$15000, 放租其約200-300呎單位.