鮨穴の本鮪清酒祭

鮨穴の本鮪清酒祭

相關信用卡:

鮨穴の本鮪清酒祭

發表日期: 2015 年 07 月 08 日 更新日期: 2015 年 07 月 08 日 優惠攻略飲食

作者:Ruby Lo

我早幾日就去咗鮨穴嘅”本鮪清酒祭”, 仲好好彩參加到"解魚"儀式同埋訪問到清酒唎酒師Eric同我分享清酒知識, 又品嘗到4款特別用吞拿魚做嘅菜式。當日解魚儀式條魚係條有成100公斤重嘅和歌山本鮪 (吞拿魚) ,  真係睇到都興奮啊美食當前我都仲記得要影低同大家分享嘅!

鮨穴

地址 : 銅鑼灣勿地臣街1號時代廣場食通天12樓1202號舖

電話 : 2506 1232

營業時間 : 星期一至日, 12:00-23:00


呢條和歌山本鮪一出場就吸引好多人圍觀 , 真係不得了 ! 睇下條魚幾大 , 兩隻手都唔夠佢長

個個都搶住要同佢影相 , 我都唔執輸喇。 (吞拿魚 : 你地影完未啊 !)


獨樂樂不如眾樂樂 , 我今次就同埋好朋友一齊去開餐,大家都可以去睇下Stella 嘅分享 !




十一款酒當中有九款係清酒祭入面嘅酒,另外有四款就會用嚟配今日試食嘅四道吞拿魚菜式。



我仲同清酒唎酒師Eric傾咗陣,想知佢講咩就記得睇我條片喇!


依家食咩都要相機食先 , 不過美食當前我好肚餓喇 , 攝影師哥哥可唔可以快手啲




係唔係睇見都好想食呢 !



吞拿魚温泉蛋牛油果他他 HK$138

唔好睇佢個樣好似咸蛋肉餅咁嘅,其實佢好味好多!吞拿魚嘅鮮味加咗牛油果感覺無咁膩,再加上温泉蛋嘅蛋香真係無得輸。


吞拿魚刺身 (大 HK$420 /中 HK$360/ 赤身 $128)

厚切嘅吞拿魚刺身可以食出吞拿魚嘅鮮甜。


蔥吞拿魚薄脆 HK$88

鮮味嘅吞拿肉碎加埋香脆嘅米通,特別香口,簡直令人欲罷不能啊!



吞拿魚茶漬飯 HK$78

今次係我第一次食綠茶茶漬飯,原來綠茶嘅清淡茶香更能突出吞拿魚嘅鮮,但係對比前面幾道又無咁濃味,感覺啱啱好啊!



去到今日重頭戲"解魚" (即係劏魚) 環節 , 其實條魚真係好重,要三個師傅合力先搞得佢掂!



我係電視就睇過咁樣劏魚,今次係第一次現場睇劏咁大條魚。雖然好好奇,但見到成條大吞拿魚係眼前劏開,都覺得有少少血腥。



師傅劏完分咗少少比大家試下,我就覺得真係特別鮮味 。吞拿魚入口即溶,食完之後鮮味仲會留係口腔入面。



除咗吞拿魚外, 呢度仲有好多好野食 , 下次要再試下


講完一大輪,係咪你都心思思想食呢!我就知道依家用恒生信用卡係Lubuds F&B Group (鮨穴/穴藏/穴) 係晚餐時段堂食會有85折優惠。 我都打算自己去多次 , 因為真係未食夠 ,大家撞到我可以打個招呼 ~ 就當食返今日嘅菜式,如果正價就要 (138+88+78+360 = HK$664) ,有85折後就只要 (664 X 85% =HK$ 564.4 ) , 足足慳咗HK$99.6。 (有關優惠詳情請參閱餐廳之條款及細則。)


恒生信用卡飲食激賞點詳情

想睇埋Stella介紹其他菜色?
Stella文章:現場嚐鮮 100公斤吞拿魚即席解魚立即Click -> 按此