香港零售之個人見解

香港零售之個人見解

相關信用卡:

香港零售之個人見解

發表日期: 2012 年 08 月 31 日 更新日期: 2012 年 08 月 31 日 生活

作者:謙謙君子

成日有人都以為香港做零售賺大錢。但實際上,零售毛利高,但事實在其他成本下,利潤率會比較低,他們係靠大量銷售來賺錢。
李生曾在多年前講過,百佳現在每100元生意先賺你1-2元,邊算係壟斷?就此,有人反駁李生壟斷的定義,但此文章不是談這個,而是究竟百佳賺幾多錢同方法?
每100元就賺你2元是多年前的講法,但是現時成本上升,店舖裝修美麗,冷氣開放,可能賺不到1元,甚至打和就算。
可能賺唔到太多,為何還要去做呢??

我們去百佳買嘢,要即時付款,百佳就即時收錢。但百佳買貨就有大量的數期——90日、100日、120日都可能有。今日收咗供應商的貨,即時賣出,收咗錢,90日之後先找數。賺的就係數期,免息借貸,現金流極快、極高。
大集團總是有一間超市,就係因為有大量的現金流,拎免息私人貸款嘛。
和記有個屈臣氏集團,屈臣氏旗下的零售商之多,李生做的生意幾乎係無本生意,付出少少的成本:租金、人工、雜費等等。最貴的貨物是 "免息" 借回來的,又不用即時付款,收咗我們的錢後一段時間才找數,李生的如意算盤打得十分響。再者,店內的廣告,上架費等的其他高昂收入,做零售尤其是超市真係不錯的。而且手上有錢的話,又可以擴張版圖,開更多店舖。大集團的運輸已經計劃得十分完善,開多間賣更多的貨,成本都係多一點。
100元賺你2元,甚至1元都好。不用付出太多就可以有回報。誰都想做啦!