香港美酒佳餚巡禮．率先體驗

一年一度嘅香港美酒佳餚巡禮又嚟啦！今年活動就係中環海濱舉辦，日期就係2016年10月27日至30日一連4日。今屆規模係歷年最大㗎，一共有超過400個美酒同美食攤位，完全足夠你地留足一日呀！我Stella就趁今日開幕第一身同大家感受下今年最大規模嘅Wine & Dine啦！


▲今次場地真係超大型，就連摩天輪嘅位置都用咗嚟做活動呀！
 

建行攤位有禮物
今年美酒佳餚巡禮係中國建設銀行(亞洲)舉辦，所以去到建行嘅攤位可以影相同拎禮物，另外佢地即時申請佢地嘅信用卡有酒佳餚巡禮場地嘅標準品酒券送，其實好容易就拎到品酒券㗎，只需要填寫表格同交身份証就可以拎到2張標準品酒券㗎啦！

▲只需要身份証同填表格就送你2張品酒券㗎啦！


▲建行攤位仲3部嘅影相機，影完相仲會有一係小禮物㗎！

 

格魯吉亞瑪卡34.5%烈酒
去到地圖嘅紅色區域，我見到格魯吉亞區有一個好特別嘅冰滑梯，所以好好奇就去八下到底係咩嚟啦！將地道嘅瑪卡同接骨木花嘅精華結合，酒會帶出一種菊華的香味！工作人員話：咁烈酒係冰梯滑落去酒會直接接觸零度以下嘅冰面極速打烈酒降溫雪凍，所以飲落去口感會非常溫馴柔滑！講到咁吸引等我試下係咪真有其事先！

▲烈酒會由冰滑梯流落去酒杯到，咁樣就會減輕烈酒嘅濃度！


▲本來我超怕飲烈酒，因為味道真係太濃對於女士嚟講真係好難入口！飲之前仲驚會好濃，但發現經過冰梯真係完全減輕咗濃度，杯烈酒仲有好香嘅果香味，最後我成杯飲晒添，完全唔覺佢係有34.5%，好正呀！ (瑪卡烈酒，我身旁金黃色個支)

格魯吉亞 C107
意大利瑪卡烈酒
HK$450

美食區彩虹芝士吐司
除咗西式嘅美色之外今次增設咗好多街頭小食，係美食區我見到一直都好想試嘅彩虹芝士吐司，但佢鋪頭係荃灣對於我嚟講真係好遠，所以今次美酒佳餚節聚集咗唔地區嘅小食，對於識飲識食嘅你地相信一定覺得超吸引呀！


▲彩虹芝士吐司主打4款吐司，分別係原味、蕃茄味、薰衣草味同羅勒味！鍾意食芝士嘅你地一定會好啱口味！

卡洛芝士專門店 C104
彩虹吐司 全件
HK$70

香港吧Baileys有靚仔請你試新酒
Baileys相信大家都唔陌生㗎啦，但Baileys今次係美酒佳餚節帶咗新酒為大家介紹喎！就係「Baileys Chocolat Luxe」佢係Baileys新口味 - 朱古力！當場仲可以食Baileys on ice crema，攤位2位靚仔哥哥同我講Baileys加雪糕好好食好值得一試，所以我就決定試下佢地新朱古力口味加雪糕啦！


▲依個就係「Baileys Chocolat Luxe on ice crema」啦！味道超好食，好易入口酒味又唔會太濃！平時自已整嚟食都無問題呀！


▲Baileys 攤位有2位高大嘅靚仔哥哥，佢地介紹我食依個雪糕㗎，果然無介紹錯呀！

Baileys Chocolat Luxe E503
Baileys Chocolat Luxe on Ice Cream
2 Token

VIP尊尚區
除咗410個攤位之外呢仲有個VIP尊尚區！尊尚區要額外比$600嘅入場券，包8張尊尚品嘅酒券同Riedel酒杯一隻，每張尊尚品酒券另外$50！VIP區入面嘅酒款就會再比外面攤位高尚少少，如果係愛酒之人依個尊尚區一定唔可以放過啦！



 

 

 

建行(亞洲)香港美酒佳餚巡禮 2016
日期：10月27日 - 30日
地點：中環海濱活動空間 （金鐘同中環增設出入口）
入場費：每位港幣$30

營業時間：
2016年10月27日    07:30PM – 11:30PM
2016年10月28日   12:00PM  – 11:30PM
2016年10月29日   12:00PM –  11:30PM
2016年10月30日   12:00PM –  10:00PM