香港特色 •雞蛋仔格仔餅

香港最地道嘅小食有咩呢?魚蛋，燒賣，雞蛋仔等等……近年有好多由地道小食改造嘅全新特色小食就例如雞蛋仔啦，有鳳梨酥味、肉鬆味、伯爵味等等，真係多味道到估你唔到㗎！
今次我就專登去試下依啲特色嘅雞蛋仔、格仔餅到底好唔好食啦！

▲Modos有幾間分店，今次我去嘅就係旺角花園街個間，地點方便食完就可以行街啦！

流心蜂蜜雞蛋仔
價錢 HKD$23
個人評分 ★★★☆☆ (5星滿分)

▲流心蜂蜜就係用平時珍珠奶茶店用嘅爆珠粒粒，每一粒雞蛋仔都會有蜂蜜爆珠粒粒㗎！

▲一咬粒雞蛋仔爆珠粒粒就會爆開，蜂蜜就會流出嚟！口感唔錯，唔會好似一般嘅雞蛋仔咁Dry！

金莎朱古力格仔餅
價錢 HKD$ 28
個人評分 ★★★★☆ (5星滿分)
 

▲依個金莎朱古力不得了啦，超級邪惡！佢係用咗金莎朱古力醬，好重棒子味再加上果仁碎，幾有誠意㗎，而格仔餅外脆內軟，唔會成口麵粉。

▲金莎朱古力槳有齊晒啲Nuts！

Modos 摩豆

地址 : 旺角花園街174號A1舖

營業時間 : 星期一至日: 12:00-23:00

付款方式 : 現金