香港本地遊（二）：沙田

本人鄭重向Lady C.'s friends既家長聲明：我不是壞女孩！自從10月頭Lady C.我帶完班朋友入赤柱啤酒節癲左成晚（詳見香港本地遊（一）：赤柱），我就間中會收到朋友仔既家長來電查詢，想話了解清楚佢地既乖仔乖囡係咪喺出面識左壞朋友……為左挽回個人形象，我打算搞個健康沙田遊！

Lady C.名下既沙田團，當然唔會少得「沙田三寶」：雞粥、乳鴿同山水豆腐花，仲有最緊要既信用卡着數啦！不過既然稱得上健康沙田遊，當然要喺飲飲食食之中加D運動同娛樂元素啦！

單車會唔會係沙田既第4寶呢?

第一站先帶大家去上海小南國食個85折午餐醫肚，食飽傾陣偈再慢慢行去租車都應該差唔多3點，唔到佢地用曬做藉口啦。來回沙田、大埔單車徑最少2次之後，其實可以考慮買少少飲品食物去沙田中央公園大草地上面野餐&休息陣。

依度邊樹？之唔係沙田中央公園囉~

一場嚟到沙田，無理由唔去車公廟拜候車大元帥架？分批入廟轉個靚運就係時候還車~~ 然後再公投晚餐食乜嘢！我地可以入沙田凱悅酒店既池畔酒吧，學雞汁台咁哈哈哈BBQ大結局，又或者入萬怡酒店MoMo Cafe食85折晚餐！其實Lady C.我會建議揀池畔酒吧多D既，事關我地既下一場都會喺凱悅酒店既Melo Spa！唔知男士們會唔會有興趣做番個身體療程或美容一下呢？Lady C.我到時一定會孖住姊妹們做個60分鐘facial，再享用埋免費送既眼部&唇部骨膠原護理既！

我BBQ係唔會落雞汁架~

搞lee搞路，搞得嚟我諗都夠鐘食宵夜，一於帶隊去龍華酒店，一次過試雲皮脆肉嫩既乳鴿、又香又綿既靚雞粥同嫩滑非常既山水豆腐花！睇嚟我要睇緊D當日既時間先得，食唔倒「沙田三寶」既話，成個Trip會爭D加嘛！

唔知果日我會唔會影倒咁有水準既相呢~?

獨家獎賞

信用卡

貸款

保險

理財戶口

理財文章

討論區

香港本地遊（二）：沙田