香港本地遊(一):赤柱

香港本地遊(一):赤柱

相關信用卡:

香港本地遊(一):赤柱

發表日期: 2013 年 09 月 18 日 更新日期: 2013 年 09 月 18 日 旅遊

作者:Lady C.

岩岩同班老友商量好,唔使等到哈囉喂,10月都有好節目——就係我Lady C.帶團,同佢地班嘩鬼入赤柱去玩去癲!等我同大家開心Share呢個週末本地遊行程啦!


赤柱國際啤酒嘉年華有酒飲又有嘢玩,真係好期待呀~

我諗住果朝約佢地喺銅鑼灣轉小巴,正午左右入到赤柱就差唔多喇。咁早入去有乜做?冇錯,平時既赤柱可能好多人都行到悶,但今次專登揀10月1、6、10或13日就唔同喇,事關果幾日正是國際啤酒嘉年華,今年赤柱係主場!(果幾日嘉年華既主題依次序為中國、歐洲、亞洲、南美洲),而Lady C.我就打算10月6日仆入去啦!歐洲主題喎,話唔定可以同鬼仔摸杯底呢~


赤柱廣場咁多嘢行,實冇悶場啦~

唔好誤會,我Lady C.並唔係D有異性冇人性既人黎架!我都有幫我班唔飲酒既friend安排節目,到時我地可以一齊玩「捧餐大賽」或者「啤酒砌罐比賽」。萬一真係唔岩玩又或者太多人,又可以兵分N路組隊去赤柱廣場行下街,入面有BIVA斗室,佢地可以買番幾件衫或家品當「手信」呀!行到攰既話可以去Haagen-dazs抖下,試試新出既萬聖節雪糕,食夠$300又可以換優惠券,佢地冇理由唔去既。


美利樓原址喺中環架,係1990年先搬左去赤柱~

玩到傍晚左右(個嘉年華6點完),Lady C.一行人打算去美利樓行個圈、影張相,好彩既話可能影到海邊夕陽,諗起都覺得浪漫呀!晚飯地點就未選定去充滿殖民地年代越南氣息既西貢越南餐廳,定係上2樓食Wildfire石爐烤製薄餅好……Lady C.我個人就較推薦Wildfire,始終一班人容易分黎食,同埋可以選擇坐戶外位邊睇海景邊嘆正菜!講開又講,其實當初有諗過想去Chez Patrick deli食法國菜,聽講呢度大廚自家製既蛋糕同撻都好得,不過我班食肉獸朋友未必識欣賞,唯有下次捉好姊妹平日去灣仔食啦!