香港公屋人均活動空間不如中型犬！

早排有則貼文喺討論區俾人插到上天，發言者話自己兩公婆住緊三人公屋單位，養咗隻金毛尋回犬，最近覺得狗仔大隻咗好多，叫人幫手諗計調遷。

有人提出房屋署2003年起全面禁止養狗，不過發言者就話隻狗自己一路養開，的確當時房署有酌情俾規例生效前養緊、體重20KG樓下嘅可以養到狗狗百年歸老。問題出現了，假設12年前佢狗仔岩岩出世，而家已經係老狗，何來「最近大隻咗好多」，所以佢一係吹水，一係擺明犯規。

雖然佢比人狂插，我亦同意公屋唔應該養狗，但係都帶到一個問題出來，香港公屋戶人均居住環境比唔比得上一隻中型犬嘅生活需要呢？根據香港房屋委員會《房屋統計數字二零一四》，香港公屋住戶人均居住面積是13平方米，這空間包括一切放置生活設備的面積。另一方面香港沒有官方規定的飼養狗隻活動面積要求，不過就有規定家居狗隻繁殖者飼養中型狗如西伯利亞雪橇犬供繁殖，其家居實用面積需至少有180呎供每隻狗活動，就拿180呎作標準。實用面積180呎即約16.72平方米，中型狗所需活動面積比香港公屋住戶人均居住面積多3.72米，有人可能演譯為「做狗好過做人」，不過請留意，唔係隻隻狗都得到呢個照顧，人被虐自己會報警，不過狗唔識。金毛一般唔會重過34公斤(約75磅)，都需要180呎活動空間(沒有放置任何生活設備)，我只諗到一個體重過百磅嘅成人生活喺咁狹小嘅環境有幾健康呢？

剛剛講一般情況，假設係極端情況呢？如果已登記家庭成員離世或者撤銷註冊，好容易形成「寬敞戶」，政府2013年收緊「寬敞戶」政策，按室內樓面面積分為「優先處理寬敞戶」同「非優先處理寬敞戶」處理。如有殘疾或70歲以上家庭成員，可獲括免。

下圖面積以平方米為單位：

二人家庭要住面積34平方米以上先可以享受中型狗所需活動面積，幾本上九成機會成為「寬敞戶」，不過唔洗驚，「非優先處理寬敞戶」的家庭，房署並無調遷的期限，租戶如果肯住細單位，可以不用排調遷隊另獲安排，同時亦有搬遷津貼。相反，「優先處理寬敞戶」有三次原區選屋機會(選新屋邨都得)，調遷至較細單位後會獲得搬遷津貼，如租戶無理地拒絕三次編配，可被終止租約。

唔通窮人喺香港想過好啲真係要做無賴？