食極都唔收鼻水?傷風感冒藥要識揀

食極都唔收鼻水?傷風感冒藥要識揀

相關信用卡:

食極都唔收鼻水?傷風感冒藥要識揀

發表日期: 2016 年 06 月 14 日 更新日期: 2016 年 06 月 14 日 生活

作者:Yvone 二方

傷風感冒真係耐唔耐都會中招一次,次次都去睇醫生條數都好襟計,所以如果唔係好嚴重嘅話,都會自己買藥食。隻隻藥都講到自己好好咁,有冇試過埋怨食完藥點解鼻水仲係咁流?其實食邊隻藥先至啱?

講藥之前,首先講吓傷風同感冒係咩來先。傷風同埋感冒都係上呼吸道部份嘅感染,大多數由病毒引起。病情通常唔會好嚴重,大多數情況一個星期左右會自己好番。「傷風」同「感冒」兩個用詞好多時都都會一齊用,其實佢哋係兩種唔同嘅情況,通常以感冒症狀係較嚴重。

藥物喺呢個情況底下都係幫助紓緩病徵,所以選擇成藥時就要揀番能夠對付你病徵嘅成份。一般來講,傷風感冒成藥都可能會包含以下成份:止痛退燒成份、收鼻水抗敏感成份、通鼻塞成份、止咳化痰成份、維他命C及脫水咖啡因等等。
今次我哋就睇吓市面上常見嘅傷風感冒藥丸係有啲咩成份喺入面!

必理痛™傷風感冒丸

必理痛™特強傷風感冒丸

必理痛™傷風感冒日夜配方

日配方:

夜配方:

幸福傷風素

速效幸福傷風感冒素

無睡意幸福傷風素

樂信感冒靈

大家喺上面嘅成份表度見到,其實每隻藥嘅成份都熟口熟面,不過會因應唔同嘅功用會有唔同嘅配方。基本上以上嘅藥都會有止痛退燒嘅成份,再外加收鼻水、抗敏感、通鼻塞等等嘅成份。

Acetaminophen及Paracetamol是同一樣成份-撲熱息痛,亦都係最市場上最常見嘅止痛退燒成份。馬來酸氯苯那敏(Chlorpheniramine Maleate) 以及馬來酸溴苯那敏 (Brompheniramine Maleate)同屬抗組織胺類別藥物,會令人有睡意,所以無睡意嘅配方都唔會有呢種成份,如果想收鼻水嘅朋友就要留意喇!亦都因為抗組織胺有睡意,服用之後就唔好揸車或者進行危險工作。

仲有仲有,要留意番其實一隻成藥可能已經有幾隻成份,所以唔使特登為咗要止痛退燒或或抗敏感,再去食另一隻成藥。因為如果咁樣食嘅話,有機會服用咗重覆嘅成份,可能會做成劑量過多(overdose)㗎!

最後就同大家總結一下邊一隻藥收鼻水,邊一隻唔眼瞓,邊一隻止咳啦!

最後補上一個師奶仔格價表:

講到尾,藥物都係幫助大家舒服啲。講到尾都係要多休息,咁先會好㗎!

如果習慣去連鎖個人護理用品店買藥物,可以用以下信用卡:
用恒生enJoy卡,每月1號以及20號去萬寧消費都有95折。
由即日起至2016年6月30日,以DBS COMPASS VISA於指定類別簽賬(包括於屈臣氏、萬寧、759KAWAIILAND消費),可享5X COMPASS Dollar。