飛前唔見護照 過期BNO整快證攻略

係人都知去旅行Passport要有半年有效期，不過世界上有好多大頭蝦喺臨出發前幾日先發現，又或者更加嚴重地遺失咗Passport，喺機場喊住求情都冇用，神仙都難救！唔想浪費訂機票酒店嘅錢、假期同心情？原來都有方法幫到手嘅！只要有BNO，就算過期都可以申請快證；如果你有合理理由，亦可以申請緊急特區護照簽證。奉勸各位檢查好Passport有效期先好訂機票酒店，雖然唔係每個國家入境都需要6個月有效期Passport，不過最好留意住Passport到期日去準備定Renew，咁去旅行就安心又放心。

 

如果出發前一個月發現遺失特區護照：

你仲有得救！

-首先打去24小時電話預約服務熱線2598 0888預約辦理補領手續

 或網上預約：

https://www.gov.hk/tc/residents/immigration/traveldoc/hksarpassport/booktraveldoc.htm

-最長可預約未來24個工作天去辦理申請

-入境事務處會於收妥所需文件、費用及相片後之10個工作天內完成處理申請程序（工作天是指星期一至星期五，公眾假期除外）

-入境事務處分區辦事處辦公時間：星期一至星期六 ，星期日及公眾假期休息。返工人士可以於星期六去辦手續呢

-辦理旅行證件申請之入境事務辦事處：

http://www.immd.gov.hk/hkt/services/travel_document/immigrationoffices.html

-申請費用：$370
 

特區護照有冇緊急簽證？
如果出發前幾日先發覺遺失特區護照點算？
 

如 急 需 申 領 護 照 前 往 外 地 ， 申 請 人 須 親 身 前 往 任 何 一 間 入 境 事 務 辦 事 處 提 交 申 請 ， 並 一 併 遞 交 書 面 理 由 和 有 關 證 明 文 件 。 入 境 事 務 處 會 視 乎 情 況 ， 安 排 申 請 人 前 往 香 港 灣 仔 告 士 打 道 7 號 入 境 事 務 大 樓 4 樓 旅 行 證 件 （ 簽 發 ） 組 領 取 護 照 。 一 般 而 言 ， 觀 光 旅 遊 不 會 被 接 納 為 急 需 簽 發 護 照 的 理 由 。
 

如果你有充分證明係因為急事如探病、紅白二事或者工作需要而去外地，帶齊醫院探病通知、公司理由信、求情信、喜帖等證明，可以試試去入境處申請特區護照快證。不過就好視乎當值入境主任願唔願意酌情處理，因為更換特區護照新晶片之後，入境處收緊快證處理門檻，講明唔接受「觀光旅遊」為申請快證理由。另外，做緊急簽證都係要排隊先可以見主任，建議早一日先上網或打電話預約，否則攪到下晝先見到主任、整文件，已經耽誤咗一日。想拎即日籌嘅懶人唔好大安旨意諗住去到就有得整，因為整證件嘅即日籌非常搶手，好大機會入境處一開門冇耐就派晒。領證時間方面，有網友表示最快都要3個工作天先補領到。

 

地點：各辦理旅行證件申請之入境事務辦事處

http://www.immd.gov.hk/hkt/services/travel_document/immigrationoffices.html

時間：星期一至五 0900-1630，星期六 0900-12:30

費用：$370

需要文件：護照申請書、身份證正副本、護照費用、彩色證件相一張、舊特區護照正副本、機票單據、公司信等

電話：2824 6111

 

BNO緊急一次性護照？過期BNO都得？

BNO Emergency passport 白皮金字好靚！不過用完要歸還返畀領事館。

適用於1997年7月1日或以前成功申請過BNO之香港人，逾期而未有續領之人士都可申請。不過過期10年或以上就唔批。續BNO就只接受郵寄，不過整Emergency passport就可直接上金鐘英國領事館，不問理由即日出Emergency passport，最快2小時攪到！另外記得要check check出發國家收唔收Emergency passport，因為有啲國家要做VISA或者唔收Emergency passport㗎。而緊急一次性護照只能用一次，有效期係「出發日」至「回程日」，所以求神拜佛航班唔好Delay，「回程日」變咗就會好麻煩㗎喇。

 

地點：香港島金鐘法院道1號

時間：星期一至五 0900-1400處理Emergency passport，建議最遲早上11點到達

費用：100英磅，約港幣＄1100（可付Visa/ Master）實際收費以英國駐港領事館為準

需要文件：

-已填妥之緊急旅遊證件申請表格
-證件相2張
-旅行詳細行程
-身分證
-預機約票同酒店紀錄證明
-過期BNO 護照正本
-警署的報失護照證明（如遺失護照）

電話：29013000

網址：https://www.gov.uk/foreign-travel-advice
 

步驟： 

1.先於網上下載及填好emergency passport申請表格

2.帶齊文件儘可能11點前到金鐘英國駐港領事館

3.於保安部放低手機，講低想申請emergency Passport

4.保安會帶你去見領事館人員

5.向領事館人員出示已填妥之緊急旅遊證件申請表格、證件相、旅行詳細行程、身分證、預機約票同酒店紀錄證明及過期BNO 護照正本

6.等待領事館人員批核，成功後收申請費用及通知領取時間