風味即食麵

有人話即食麵唔健康，又肥，不過間唔中一餐半餐，或者當宵夜，又係幾滋味嘅，最緊要係方便呢。平時食嚟食去到係公仔麵，出前一丁之類，要換下口味先冇咁悶。Lady C.試咗幾款日本、韓國同台灣嘅即食麵同碗麵，大家睇下啱唔啱口味。

Paldo芝士辣麵－香濃芝士味帶韓式辛辣，個味好特別，食落唔會膩。Lady C.覺得當撈麵食仲正。

MARUTAI熊本黑麻油豚骨麵。

MARUTAI熊本黑麻油豚骨麵－佢有幾隻味，呢隻同鹿兒島黑豚啱我口味啲，湯底幾重豬骨味，黑麻油味其香，不過麵質好似爭少少，淋咗啲。同埋呢包麵份量多啲，可以一包兩個人Share。

Paldo男之拉麵－牛肉湯底，韓式辣味十足，隨時食到標汗。

農心生生即食烏冬－個湯幾清，熱水淥熟，烏冬都唔會硬，同放湯煮差不多。

台酒TTL花雕雞麵－花雕酒醬汁另外分開一包，可隨意落多落少，花雕酒味唔濃但幾香，附送嗰幾舊仔花雕雞都算入味。

有日行過759阿信屋，見佢好多款都有，Lady C.就每樣執啲，放喺屋企儲糧，以備不時之需。買下買下見到其他零食又順便。而家大新信用卡做緊Promotion，儲到$1,200簽帳，可以$1換零食，碌埋呢次啱啱儲夠咗，換埋鹽燒海苔同魚肉腸先。