頭髮越見稀疏點算好?改善脫髮有辦法

頭髮越見稀疏點算好?改善脫髮有辦法

相關信用卡:

頭髮越見稀疏點算好?改善脫髮有辦法

發表日期: 2016 年 07 月 04 日 更新日期: 2016 年 07 月 04 日 生活

作者:Yvone 二方

所謂三千煩惱絲,頭髮呢樣嘢真係幾時都可以好麻煩。成日諗剪咩髮型好、染咩色好,但又怕會整傷啲頭髮。不過繼我話,煩惱整咩髮型都係其次,最怕係佢甩頭髮,白頭髮都可以染佢,甩咗就乜都冇喇!到底係咩原因導致脫髮?遇上脫髮又有啲咩解決方法?

脫髮本身係一件正常不過嘅事,因為我哋嘅頭髮生長期可以分為3個階段,分別係長達2至6年嘅生長期(Anagen)、大約2-3星期嘅消褪期(Catagen),頭髮會慢慢脫離毛囊,同埋2-3個月嘅休止期(Telogen)。喺休止期入面,毛囊會有新頭髮形成,推出舊有毛髮,令舊頭髮脫落。每個毛囊都有自己嘅速度去經歷以上嘅階段,而呢個速度有機會受到唔同因素影響,例如年齡、疾病等等。隨住年齡增長,頭髮嘅生長會減慢。

脫髮嘅成因有好多,其中一個係受到Dihydrotestosterone影響。Dihydrotestosterone(DHT)係一隻男性荷爾蒙,係被5alpha還原酶(5 alpha reductase)合成出來。DHT會加速頭髮嘅生長周期,令頭髮脫落。當DHT係毛囊被製造出來,就係男性出現雄激素性脫髮 (androgen alopecia)嘅主因。而女性嘅脫髮成因就比較複雜,DHT可能只係其中一個可能嘅原因。男性嘅脫髮嘅徵狀通常都係前額髮線向後移,慢慢形成地中海;而女性嘅脫髮通常係頭髮變得稀薄,令分界越來越闊,脫髮嘅情況會較男性遲出現。男性可能喺20幾歲就會發現脫髮嘅現象,不過女性通常去到40幾歲先會發現頭髮變稀薄。

除咗雄激素性脫髮,仲有其他脫髮嘅情況,例如:
藥物-包括癌症化療藥物、薄血藥、避孕丸等等,都有機會導致暫時性嘅脫髮
精神情況-緊張情緒或大壓力都可能會引致脫髮
生育或停經-喺女性生完BB 2-3個月後有可能會大量脫髮,停經亦可能令男女荷爾蒙失衡,導致脫髮
頭髮造型-扎太緊嘅馬尾、電染燙都可能會令頭髮變得脆弱脫落,不過只係暫時性
飲食習慣-低蛋白質或者嚴格控制熱量嘅節食都可能引致暫時性脫髮

美國食品藥品監督管理局(FDA)批準咗2款治療脫髮嘅藥物,分別係minoxidil 以及finasteride。

Minoxidil係FDA核準嘅生髮成份,佢有擴張血管嘅特性,依家通常喺外用產品入面加入呢種成份,去治療雄激素性脫髮嘅情況。Minoxidil可以刺激萎縮中嘅毛囊,加速毛囊嘅新陳代謝週期,增加血液循環,令萎縮的毛囊重新擴大,大約需要4星期去睇到效果。要留意Minoxidil係需要持續使用,如果停止使用,大多數新長出嘅頭髮會喺停用嘅幾個月內脫落。

Regaine生髮劑

Regaine生髮劑有唔同嘅濃度,亦所以要唔同嘅時間先會見到效果。用嘅時候請跟足指示,用多咗唔會令頭髮生得快啲,或會引致有副作用。Regaine生髮劑係需要由註冊藥劑師發售,有需要可以去藥房了解更多。

另一隻成份finasteride則係口服藥物。Finasteride係一隻5 alpha還原酶嘅對抗劑(5 alpha reductase inhibitor),所以佢可以減少DHT嘅形成,改善雄激素性脫髮嘅情況。呢種成份只適合用於治療男性脫髮,佢有機會輕微增加患上前列線癌嘅機會。Finasteride係一隻醫生處方藥物,有興趣嘅可以同醫生傾傾呢隻藥嘅好處同壞處。要注意呢隻藥都係需要長時間服用,如果停服,新長出來嘅頭髮大多會喺12個月內脫落。

Propecia 保康絲

市面上仲有其他聲稱健髮防脫髮嘅產品,佢哋大多數係利用中藥、咖啡因等等,佢哋未必有好充足嘅科學證據證明有效,不過大多數情況用咗都冇咩壞影響,當普通洗頭水或造型產品試吓都無妨嘅。我哋就睇吓其中常見嘅幾款:

Alpecin 咖啡因洗髮露
產品介紹:
含有咖啡因複合物(咖啡因、微量元素鋅及菸酸)作為活性成份,而且剔除軟化劑,持續使用,可以令軟身髮質變得強壯。

呢款洗頭水含有咖啡因作為活性成份,之前有啲研究做過發現咖啡因可能有助對抗雄激素性脫髮,喺實驗室環境下顯示可以刺激頭髮毛囊生長。研究用咗頭皮樣本做測試,發現咖啡因可以對抗睪丸素(testosterone)對毛囊壓抑嘅效果,咖啡因自己亦可刺激頭髮毛囊生長。^
Fischer, T. W., Hipler, U. C., & Elsner, P. (2007). Effect of caffeine and testosterone on the proliferation of human hair follicles in vitro. International Journal of Dermatology, 46(1), 27-35. doi:10.1111/j.1365-4632.2007.03119.x 

Success防脫髮噴霧

產品介紹:
Success防脫髮噴霧蘊含t-flavanone及Nicotinic Acid Amide,可抑制脫髮及促進頭皮血液循環。

根據產品介紹,呢款防脫髮噴霧含有t-flavanone及Nicotinic Acid Amide。翻查資料,有研究顯示t-flavanone可以加強髮根嘅強韌度*。

Nagasawa, A., Wakisaka, E., Kidena, H., Nomura, T., Hotta, M., Taguchi, H., & Moriwaki, S. (2016). T-Flavanone Improves the Male Pattern of Hair Loss by Enhancing Hair-Anchoring Strength: A Randomized, Double-Blind, Placebo-Controlled Study. Dermatol Ther (Heidelb) Dermatology and Therapy, 6(1), 59-68. doi:10.1007/s13555-016-0101-1 

維新烏絲防脫洗髮露

產品介紹:
維新烏絲防脫洗髮露精選西方植物精華如薰衣草、迷迭香等,結合自家精製何首烏、靈芝、墨旱蓮等,令頭皮清爽之餘,也促進頭皮下之血液循環,令更多營養帶到髮囊,頭髮生長得更快、更健康。

何首烏經常被用作生髮、烏黑髮色之用,有資料指出何首烏抽取物於實驗室環境下有助頭髮生長,喺人身上嘅效果需要多啲證據去支持。

總結:

如果習慣去連鎖個人護理用品店買個人護理用品,可以用以下信用卡:用恒生enJoy卡,每月1號以及20號去萬寧消費都有95折。由即日起至2017年4月30日,客戶憑上商業銀行萬事達卡於MasterCard樂遊賞網頁註冊,並於參與商戶(包括Sasa.com)簽賬賺取5% MasterCard樂遊賞獎勵,獎賞無上限!