難波人最愛火炙壽司名店ときすし

去旅行最多食到幾餐，人人都想食到最好食嘅當地美食，唔好浪費quota嘛！想食好嘢其中一個指標就係跟本地人搵食喇。ときすし位於南海難波駅附近，約行５分鐘就到達。呢間壽司店喺當地人之間好出名，因為佢嘅火炙壽司非常出色。所以門口經常大排長龍，想試試就要一早過嚟呢。

手寫Menu好有人情味。

小店有兩層，雖然唔算寬敞，但好溫馨，而且冇咩遊客，所以非常地道。

名物火炙壽司「すし焼き」(1000yen係)2店中人氣No.1，一Set有八件，最特別係會用鐵板上菜，每舊壽司都因為鐵板嘅微溫而保持微暖。海鮮用火炙過，聞起嚟有少少焦香，食材新鮮而且有調味過，所以唔使點醬汁，直接食就可以！每舊壽司整體都有炙燒過，所以連米帶點焦香味，好惹味好好食呢。另外附有一碗紅味噌湯，好濃味同足料。