雙生兒對決 邊張香港航空聯營卡易儲分?

雙生兒對決 邊張香港航空聯營卡易儲分?

相關信用卡:

雙生兒對決 邊張香港航空聯營卡易儲分?

發表日期: 2016 年 06 月 22 日 更新日期: 2016 年 06 月 22 日 生活

作者:積克

工銀亞洲有一香港航空Visa白金卡,最近建行(亞洲)出咗一張「香港航空Fly Away信用卡」,同樣係香港航空嘅聯營卡,到底邊張卡易啲儲金鵬俱樂部積分?邊張卡優惠多啲又好用啲?今次就同大家比較下。

首先睇下呢個比較表先

金鵬積分累積
呢兩張卡,一睇就知係建行(亞洲)香港航空Fly Away信用卡比較好,本地簽賬$6=1金鵬積分,海外東香港航空買機票、機上消費$4=1金鵬積分,都比工銀亞洲香港航空Visa白金卡抵。同埋建行(亞洲)香港航空Fly Away信用卡喺生日月份內累積簽賬滿$3,000送1,000金鵬積分,加埋基本積分即係$2=1金鵬積分。

睇下換香港航空機票同升艙要用幾多金鵬積分,等大家有個概念:

香港航空機場貴賓室
兩張卡都可以入香港航空機場貴賓室「紫荊堂」,每年5次免費,不過建行(亞洲)香港航空Fly Away信用卡可以帶人免費入去,喺嗰5次扣數,可以用盡佢。不過入Lounge係要搭出示香港航空機票,如果搭其他航空公司航班就入唔到喇。

香港航空機場貴賓室「紫荊堂」


迎新獎賞
建行(亞洲)香港航空Fly Away信用卡有3級迎新金鵬積分獎賞,9月18號或之前簽滿指定金額,就有額外金鵬積分:

簽賬額 / 基本金鵬積分 / 額外金鵬積分 / 總金鵬積分 / 比率
$3,000 / 500 / 5,000 / 5,500 / $0.55=1金鵬積分
$9,000 / 1,500 / 9,500 / 11,000 / $0.82=1金鵬積分
$24,000 / 4,000 / 15,000 / 19,000 / $1.26=1金鵬積分

如果同時申請工銀亞洲香港航空Visa白金卡同銀聯雙幣白金卡,頭2個月各簽$3,000,就有7,000金鵬積分,假如單獨申請香港航空Visa白金卡,頭2個月簽$3,000,就有3,500金鵬積分,大約大約$0.86=1金鵬積分。

建行(亞洲)香港航空Fly Away信用卡簽$3,000計,係抵過工銀亞洲香港航空Visa白金卡,不過如果再簽上去,就愈來愈貴啦。

其他優惠
建行(亞洲)香港航空Fly Away信用卡嘅優惠多數都係同香港航空有關,比較實際嘅有優先5折金鵬積分兌換機票,同埋1折金鵬積分兌換升級客艙。8月15號至10月14號可以換指定航點,以飛曼谷為例,原本來回要26,000分,5折只需要13,000分。另外佢個1折升級係喺生日月份後一個月會送張1折電子升艙券畀你,半年內可以用嚟升級一個航段商務艙,又例如飛曼谷升艙要15,000分,1折即係1,500分。

至於工銀亞洲香港航空Visa白金卡就有兩個主要優惠,當中MCL戲院2D戲飛票買1送1似乎唔錯,不過要一單簽夠$800,拎埋張單去戲院買飛先有買1送1,其實都幾麻煩。

另外佢個內地意外急救醫療保險卡,對於經常往返中國嘅人都可能啱用嘅。

總結:後來者較出色
比較完咁多方面,建行(亞洲) 香港航空Fly Away信用卡比較實用,賺分比率好啲,其他優惠亦啱經常搭香港航空嘅人士,可以話睇住嚟打。