雅軒推介！世界知名的香港Fine Dining餐廳 試食報告

Fine Dining俾人嘅感覺除咗貴都係貴，不過真係別有一番味道的！適逢Taste Of Hong Kong嚟咗香港，集合咗十幾間世界知名嘅香港餐廳。雅軒當然即刻衝去試下啦！
TASTE FESTIVAL的特色就係每一站都會揀出十幾間，世界知名的餐廳擺攤位，等大家可以用試食價去試曬咁多間餐廳的招牌菜～
同場仲會有好多相關PRODUCT，好似手工啤酒，紅白酒同埋西式小食，而雅軒的目標就係入面搵到最值得去的餐廳啦！

第一間就係CAFÉ GRAY DELUXE啦
原本間餐廳有全維港景色，最出名係Tea set的甜品，不過我地試咗MAIN COURSE先～
就係－甜酒燴牛仔面頰, 紅花意大利飯, 香濃芝士, 巴瑪火腿。味道好濃郁，佢滑到個面珠肉
我覺得真係面珠咁滑！真係好好食!


然後俾呢個粟米波波的香味吸引而嚟到YARDBIRD～佢真係超級香，佢個陣甜甜的粟米味飄到好遠，就引誘咗我過嚟買呢個啦！佢係有少少油炸味，但係係非常之Acceptable，如果你鍾意食粟米個陣味呢，你一定要試呢個！


本身我嚟呢到係諗住食都爹利，就無諗過食天龍軒，因為佢兩個都係攞米芝蓮二星的粵菜～
但係呢個叉燒係我係場入面見到大部分人都會叫的野食，咁所以我就決定叫下，睇下到底有咩咁特別！佢甜得好均勻又幾特別，就唔係你平時係街市見到個啲味～


而家呢一個就係真・都爹利啦，我原本想試的芥末醬爆澳洲M9和牛粒。
佢好軟腍又好MATCH個少少芥末同和牛！
同埋係Feel到佢有個種Medium Rare個種感覺，仲有佢個少少芥末好消滯，不得了！


再去到TOSCA叫咗佢個生牛肉片，佢有一隻手指咁粗的厚切！
佢的野食係講緊只係放係一隻咁樣的碟上面，都可以吸引到你，呢個就係佢精妙的地方～
佢個質地係生肉，但係又唔會咬唔爛的牛肉，加咗蕃茄個舊好好食呀！！
雅軒再去試呢個Amber－64%巧克力球配鹽味及焦糖夏威夷果仁配可可雪葩
雖然佢只係香港攞咗米芝蓮一星的餐廳，但係佢係Trip Advisor的排名非常之高，同埋有好多介紹話佢的甜品非常出色！我試個陣個白色波波好似係我喉嚨到滑咗落去，同埋個陣朱古力味超級濃～～


之後雅軒去咗ABERDEEN STREET SOCIAL叫咗個－紅莓Mascarpone忌廉芝士 配薏米布甸及燕麥。
我無見過實物的情況下，佢係咁樣架....其實有D似食剩咗的感覺囉....個芝士係好食嘅～
但係，Amber個個係吸引啲～
最後嚟到TOSCA食佢嘅Tiramisu
我上網搵的時候係佢被稱為The Best Of Hong Kong’s Tiramisu！！！！
佢入面有少少咁多的檸檬回香味，同埋佢上面個可可粉好厚，中和咗Tiramisu個陣甜味！係好出色的！同埋佢有驚喜的，中間間唔中會有朱古力的脆脆餅，好好食，好得意！


另外，我係張枱到留意到有人留低咗呢個CAFÉ GRAY DELUXE－酒香香濃朱古力慕絲, 紅桑子及忌廉汁！擺咗係到好Q耐！！！
所以我決定~~~~試下人地個個~因為真係好香！呢個好食過Tiramisu！
朱古力再加紅桑子個隻酸，Mix得非常好！我覺得呢個係The Best Of Today！
呢兩個你一定要試呀！！


最後試咗咁多間，Fine Dining除咗環境同氣氛外，食物我總算試咗唔少，好多就算好貴，都有佢值呢個價嘅原因！
雅軒強推：

AMBER
CAFÉ GRAY DELUXE
YARDBIRD

快啲去BOOK枱啦！

Taste Of Hong Kong參與餐廳：
ABERDEEN STREET SOCIAL
AMBER
ARCANE
BIBO
CHINO
CAFÉ GRAY DELUXE
DUCK & WAFFLE
DUDDELL’S
SERGE ET LE PHOQUE
THE OCEAN
TIN LUNG HEEN
YARDBIRD

雅軒係Taste Of Hong Kong試咗：
CAFÉ GRAY DELUXE
甜酒燴牛仔面頰＄90
酒香香濃朱古力慕絲＄50
YARDBIRD
玉米天婦羅 ＄50
DUDDELL’S
芥末醬爆澳洲M9和牛粒 ＄120
TIN LUNG HEEN
蜜燒西班牙黑豚肉叉燒 ＄70
ABERDEEN STREET SOCIAL
紅莓Mascarpone忌廉芝士＄50
AMBER
64%巧克力球配可可雪葩 ＄50
TOSCA
生牛肉片 $60
意大利芝士蛋糕 ＄50

Total ：＄590

現場可用信用卡付費
各大餐廳當然可以用信用卡啦～