![附屬卡常見問題合集](https://www.hongkongcard.com/blogs/wp-content/uploads/2019/06/190613-hkc-blog-01-new-768x432.jpg)
附屬卡常見問題合集
更新日期: 2020 年 04 月 08 日
電視睇得多,用附屬卡畀錢買嘢應該係唔少人嘅夢想嚟,因為覺得唔洗睇價錢可以隨便買。不過你對信用卡嘅附屬卡又了解幾多呢?係咪好有錢先可以出附屬卡畀人?今次我哋簡單解構吓,順便整咗個Q&A,解答有關附屬卡嘅常見問題。(本文更新至2020年4月8日)
其實申請附屬卡係有唔少好處,因為唔係所有人都能夠申請到信用卡,至少要年滿18歲,有相對穩定嘅收入來源/大學生,先至滿足到個門檻。而附屬卡申請門檻比較低,通常不需要收入、存款證明,只要提交申請表、附屬卡卡主身份證明文件,等銀行通過審核就可以。
A:大部分附屬卡只可以幫直系親屬申請的附屬卡,包括父母、配偶、子女,唔同銀行對子女年齡嘅要求都唔同,普遍要年滿16歲,先可以申請。一般是有經濟能力嘅一方開主卡,另一方用附屬卡。
A:附屬卡可以共享主卡嘅信用額,簽賬記錄會計算入主卡嘅賬戶,並由主卡持卡人找卡數。例如,老公有一張5萬Limit嘅信用卡,並開咗張附屬卡畀老婆。如果老婆當月簽咗一萬蚊,咁老公呢個月仲可以有4萬Limit可以用。亦有銀行可以set定附屬卡信用額上限,咁就唔怕畀附屬卡用晒個信用額啦
A:按唔同銀行而定,一般附屬卡都列明有年費,都會低過主卡。主卡嘅年費越高,附屬卡年費亦都相對較高。
A:因為附屬卡簽賬消費賬單會計入主卡賬戶,所以附屬卡通常唔可以單獨還錢,要由主卡持卡人找卡數。
A:通常附屬卡所獲得嘅積分係會入咗落主卡嘅戶口,主卡附屬卡一齊合併計算,但由主卡兌換積分。優惠方面,部分附屬卡嘅待遇會冇主卡咁好,不過普遍嘅附屬卡都可以當主卡用,享有相對嘅優惠。