關島澳紐抵飛 聯合航空MileagePlus

每間航空公司都有各自嘅飛行常客計劃，例如國泰就有大家最常接觸嘅「亞洲萬里通」，聯合航空就有MileagePlus，可能大家對佢嘅認識會比較少，今次就同大家講下佢有乜特別之處，重點講下飛關島澳紐有幾抵。

儲MileagePlus里數換澳紐、關島機票，係比Asia Miles用少好多里數㗎！例如飛悉尼、墨爾本只要35,000里數，Asia Miles要45,000里數；換奧克蘭MileagePlus一樣係35,000里數，Asia Miles就要60,000里數，呢個里數用MileagePlus已經可以換到Business添呀！去關島就只需45,000里數，值得留意嘅係，香港直航關島就得聯合航空有，想去關島潛水或白色教堂舉行婚禮，聯合航空應該係首選。而家响2016年9月30日或之前申請大新聯合航空萬事達卡，頭兩個月累積簽賬滿HK$10,000，即有9,000迎新獎賞里數，加快換機票速度!
 

可以換香港直航關島機票。

另外MileagePlus換機票可以有1個中途停留(Stopover) 同2個開口機票 (Open jaw) 可以換到1.5個Trip！ 而且佢嘅Stopover同Open jaw機票可以喺網上自己訂，唔使打上CS搞。

去聯合航空官網用Multi-city功能就可以自己搵Stopover同Open jaw機票。

例如由香港去紐約，然後自己去洛杉磯，喺洛杉磯飛東京 (Open jaw)，再喺東京Stopover返香港，都係80,000里數，等於香港來回紐約所需里數，咁即係80,000里可以去到美國同東京，勁正。
 

咁要點儲聯合MileagePlus里數呢？除咗搭飛機，大新仲有一張大新聯合航空萬事達卡，本地簽賬HK$8=1里數、指定商戶 (旅行社同旅遊網站) HK$6=1里數、海外簽賬 (白金卡) HK$5=1里數。去旅行報團、訂機票酒店，同埋喺外國簽卡會儲得快啲。簽賬會自動兌換成里數，直接入落MileagePlus戶口，唔使畀手續費。而MileagePlus戶口有18個月有效期，只要Keep住有里數存入，就會自動延期18個月，里數變相永久有效，好抵儲！而家申請大新聯合航空萬事達卡，頭兩個月累積簽賬滿$10,000，即有9,000里數，加快換機票速度。

賺取HK$6= 1里數的旅行社同網站如下：

EGL、Tours (東瀛遊)、Hong Thai (康泰旅行社)、Priceline (Priceline), Miramar (美麗華旅遊)、Morning Star (星晨旅遊有限公司)、Sincerity (學聯旅遊)、Sunflower (新華旅遊)、Travel Expert (專業旅運)、Wing On (永安旅遊)、Package Tours (縱橫遊)、Zuji、Agoda, Kwan Kin Travel (關鍵旅遊)、Edmond Travel (萬福旅行社)、China Travel Service (香港中國旅行社)

關於呢張卡嘅詳情，可以參考呢度

(資料由大新銀行提供)