銀聯卡簽賬積分/回贈

話說小弟最近多了上大陸，

所以都多了機會碌下唔同銀行既銀聯卡。

好多銀行都會指定某啲簽賬冇得拎積分/回贈，

例如：

恒生銀聯信用卡

指定中國內地消費類別之交易，包括但不限於機票、燃油、超市、房地產、汽車經銷商、公立醫院、公立學校及政府/公共事務類，並不適用於賺取恒生信用卡Cash Dollars。

Citibank Rewards 銀聯信用卡

於中國內地不可獲得積分的商戶類別簽賬包括但不限於：物業、汽車、批發、機票、燃油、超級市場、醫院、學校。

建行(亞洲)

積分只適用於購物簽賬及現金透支。其他付款類別，包括但不限於……購買房地產或汽車、批發交易、慈善或社會服務捐款、政治團體捐款、法庭費用、保釋金、罰款、政府服務及大使館或領使費用以及本行不時決定的交易類別將不會因而獲取積分。

為咗測試一下邊啲商戶有積分，

我用上述呢兩張卡做咗幾個不同類別既簽賬，最奇怪的結果如下：

   

雖然J二少曾經講過商戶可能用其他名義(例如貿易行)去申請部POS機，

但係我諗都唔會相差咁遠掛？

如果拉卡拉用批發名義申請POS機，

點解Citibank冇分而建行(亞洲)有呢？

又如果便利店用超市名義去申請部POS機，

黠解Citibank同恒生有分而建行(亞洲)冇呢？

講到尾，其實都係銀行玩晒。

想積分/回贈袋袋平安？唯有多啲睇清楚各銀行嘅限制條款囉。