里數換機票~教學篇(一)

里數換機票~教學篇(一)

相關信用卡:

里數換機票~教學篇(一)

發表日期: 2012 年 10 月 05 日 更新日期: 2012 年 10 月 05 日 生活

作者:粒粒玲子

Asia miles獎勵機票計劃,係以機程(或可說是航行里數)來計算,所以如你想到某city,可嘗試尋找附近嘅city為回程,航行里數無大變動,通常就可兌換!以下網址係Asia miles獎勵機票計劃嘅聯營航線,可瀏覽飛行路線既可行性:
http://onw.innosked.com/?show=MAP

簡單黎講香港-台北/高雄 來回機票所需里數15,000,但換以下機票嘅航行里數差不多,所以都係15,000里數就可兌換。

香港 - 台北
<台北到高雄這程要自費 = 缺口行程(Open Jaw)>
高雄 - 香港


再多一個例子,以下幾個城市距離比較近,所以都可以60,000里數兌換獎勵機票:

香港 - 倫敦/希斯路 
倫敦/希斯路 - 希臘/雅典 
希臘/雅典 - 倫敦/希斯路 
倫敦/希斯路 - 香港 

如你心目中有目的地,不妨多嘗試不同地點來回,可能會有意外收穫!


簡介完畢,里數換機票教學正式開始 ~ ~ ~
首先你要申請亞洲萬里通帳戶,詳情可到玲子的博客找到。

申請後你會有一個account no.,你將你有嘅積分好似換其他禮品咁填表後就可以轉換到你嘅帳戶啊 ~ (P.S. 所有同ASIA MILES嘅伙伴銀行所出嘅信用咭積分都可以轉換到同一名下嘅ASIAMILES ACCOUNT架)

當你嘅帳戶儲到足夠既里數,你就可以到下面個網址查考想換嘅機票(DBS Black Card同Citibank PremierMiles Card嘅積分因無限期,所以可以長擺住先,直至你想換機票,就預早4~6個星期轉去你嘅ASIAMILES戶口,因轉咗去ASIAMILES戶口後,啲里數就會開始計算3年內有效)
http://www.asiamiles.com/am/zh/redeem/flightawardfinder

免費機票 / 客位提升獎勵 * >選擇"來回獎勵機票"
客位級別 * >選擇"經濟客位"
在左下角按 "增加航段 "3次
之後打入你想去既城市
係城市後面可選擇你喜歡嘅航空公司

留意一點,最多只可以選擇8個城市。完成訂機票後,佢地會auto出個email話收倒會回覆你,可能會以電郵或電話回覆你。

以下係粒粒玲子既BLOG友Big Butterfly 真實個案:

香港HKG - 東京羽田HND (CX)
東京羽田HND - 旭川AKJ (JAL)
札幌CTS - 大阪KIX (JAL)
大阪KIX - 香港HKG (CX)
TAX ~ HK$758

(換嘅過程好艱辛,係咁打去asia miles度問幾時會release幾時的機票,跟住睇住日子打去book,CX大約24:00 release,JAL係09:00 [好SHARP!!],希望大家都換到心儀的行程O機票喇~ ^^)

亞洲萬里通會員服務中心資訊

獎勵機票最早預訂時間?
國泰航空/港龍航空接受由即日起計370天內之預訂,而夥伴航空公司均接受航班330天內之預訂。 

獎勵機票有效期?
除特別註明外,所有獎勵機票一經簽發,有效期為簽發日起計之12個月內。您可於機票有效期內更改航班日期及時間而無任何收費,航空公司必須與原有之獎勵機票相同。 
P.S. 如獎勵機票出發日期為2013年3月9日,而機票於2012年10月1日簽發,咁有效期就係2012年10月1日至2013年9月30日。

更改航程或艙可以嗎?
假設獎勵機票完全未經使用,便可重新簽發作更改航程或艙等之用。有關手續費為100美元或10, 000「亞洲萬里通」里數。請注意,機票有效期及航空公司必須與原本的獎勵機票相同,會員也或需繳付額外里數和稅項的差額。 

獎勵機票退款?
如要為獎勵機票申請退款,獎勵機票必須完全未經使用,會員也需要在獎勵機票有效期前提出申請。每張獎勵機票退款需收取服務費120美金或12, 000「亞洲萬里通」里數。獎勵機票退款完成後,我們將把有關里數、稅金和燃油附加費分別發還至相關賬戶和原本用以繳付這些費用的信用卡。

獎勵機票可停留多少個地點?
根據兌換條款,航班除可於目的地停留外,會員或被提名人搭乘任何夥伴航空公司(除中國國際航空及西班牙國家航空不接受中途停留及缺口行程)均可在起點、轉機點或回程點作兩次中途停留、兩次轉機及一次缺口行程(Open Jaw)。 

~ 後記 ~
機場稅及燃油付加費係要另付架!通常佢地會要求你提供信用咭資料比佢地扣數,去東南亞稅項會平啲,上次粒粒玲子去英國希臘稅項如下:
香港-英國-希臘來回機票 $免費(asiamiles 60,000里) +Tax$2525
如買機票$14,500 +Tax$2525 (全程18hrs 25mins)
所以粒粒玲子只付出$2525就可以換倒張萬四蚊既機票^0^詳情可瀏覽以下網址: