避暑攻略!室內潮玩波波池槍戰煮飯仔

避暑攻略!室內潮玩波波池槍戰煮飯仔

相關信用卡:

避暑攻略!室內潮玩波波池槍戰煮飯仔

發表日期: 2016 年 07 月 25 日 更新日期: 2016 年 07 月 25 日 生活

作者:Yvone 二方

做咗成個星期嘢,週末梗係要鬆鬆啦!星期六日你諗到去邊度玩未?依家天氣咁熱,唔想出街玩到成身大汗,不如考慮吓一眾Party Room。依家Party Room多嘢玩到你唔信,又有晒唔同主題咁,快啲約埋班朋友一齊chill番吓啦!

VR近期大行其道,冇買到嘅朋友依家都有機會玩喇!呢間Party Room COMBO就有配合VR嘅3D虛擬現實遊戲,鍾意打機嘅朋友就可以上來鬥番轉喇!


▲最新引入Brookhaven Experience,俾大家感受一下真係拎住枝槍「實境打喪屍」!

淨係得VR又點會滿足到你呢?呢度仲有桌球、飛標、board game、麻雀、氣墊球等等玩,實有一樣滿足到你!

特別啲嘅仲有桌上足球。佢真係足球來㗎,似足放大版嘅桌球咁!

要刺激啲嘅仲有鐳射槍戰遊戲,可以多啲人一齊組隊玩亦得,最啱啲怕打war game又怕痛嘅朋友。唔好以為佢淨係得laser咁簡單,時不時佢都會有唔同嘅主題,好似舊年Halloween咁就用咗喪屍做主題,喺緊張嘅槍戰遊戲入面再加添一份恐怖感。


▲現場環境好有未來feel!加上燈光效果真係好刺激咁!不過如果加埋喪屍,我應該會嚇親唔敢郁。


COMBO Entertainment位於鬧市銅鑼灣,位置非常方便。如果約咗人食飯又未夠鐘,上去玩一、兩個鐘打發時間又可以,因為呢度唔使預約㗎!

價錢:
入場費:$50/一人一小時; $35/一人一小時 (學生)
鐳射槍戰收費(By LASERMADS):
非會員:$118/一人一局
會員:$98/一人一局
飲食套餐:
每人+$60連小食、飲品;每人+$100連主餐、小食、飲品
付款方式:
銀行過數
地址:
銅鑼灣 怡和街2-6號 英光大廈4樓 (SOGO對面)


▲旅行主題房間

另一間Kidult’s Amazing Party House以主題房間為賣點,呢度有5間唔同嘅主題房間,包括有旅行主題房間、PopArt遊戲主題房間、草地大廳 、Galaxy派對主題方及 開放式廚房。呢度除咗有地方玩之外,仲提供各式服務,包括食物代訂、場地佈置、派對姐姐及小丑。感覺有點似有嘢玩嘅自拍房,又可以玩又有得影相呃like!


▲會場有場地佈置服務,好似咁樣放滿波波同蠟燭求婚,唔好話唔浪漫呀!


當中我覺得最有特色嘅就係開放式廚房派對房,唔好以為呢度得個景呀,所有電器都用得㗎!呢度有齊電熱板、焗爐、電磁爐、微波爐、攪拌機、電飯煲、電動打蛋器、煮食及烘焙用具,而且仲有餐具同埋基本調味料。成班朋友約埋想煮飯仔,以後就唔使迫晒上是但一個人屋企啦,來呢度就得喇!


▲啲用具真係幾齊㗎!想即場焗個蛋糕慶祝生日都得呀!


另外遊戲主題房間有街機300合1,包你唔會悶呀!


▲遊戲主題房間


▲另外有設兒童樂園主題房,有大量玩具,最適合同小朋友約埋成班朋友仔搞生日會~

成個場仲有啲共用設施,好似小型滑梯、巨型層層疊、360度相機、即影即有等等。

而派對套餐由壽司去到火鍋都有,亦都有未煮嘅新鮮材料包,等大家可以喺廚房大顯身手!


▲有可以即刻食嘅套餐


▲亦有食材可以等你大顯身手!

依家佢做緊暑假優惠,可以低至$68一人玩足6個鐘。
付款方法:
銀行過數
地址:
牛頭角偉業街134號瑞安工業大廈11樓

而跟住呢一間係主打重拾童年回憶嘅Party Room-8090s Party Room。呢度有好多大家嘅童年回憶!如果你問我變咗大人有咩最唔捨得,我會話係波波池!細個最鍾意喺波波池入面跳來跳去,但大個咗都唔俾入去玩啦,好傷心。俾我發現到呢間Party Room有波波池呀,好開心呀!


▲個池絕對唔係「浸腳池」,都瞓到幾個人落去㗎!

講到童年回憶,又點少得跑跑跳跳。呢度有唔少要體力嘅遊戲,等你回味吓以前細個出力玩嘅滋味。


▲呢個大型層層疊真係唔講得笑,有成個人咁高,要搬郁佢都真係要伸展吓郁吓㗎!


▲冇呃你,真係好高㗎!


▲仲有扭扭樂玩


想文靜啲嘅,都有唔同嘅小遊戲玩,有啲仲好有懷舊特色㖭!


▲我記得以前喺街有得玩㗎!


▲呢個都好有我哋細個玩啲玩具嘅味道。


場地仲有電視遊戲、Wii、Board game等提供。雖然佢冇訂嘢食嘅服務,不過就可以自己帶食物飲品上去,佢哋都有雪櫃,夏天可以雪定嘢飲,夠晒冰涼!

價錢:
基本派對每人$128 (8人起)
付款方法:
可以網上以PayPal付款
地址:
地址鑽石山新蒲崗七寶街利中工業大廈15樓B3室

由2016年7月15日至9月30日,憑中銀信用卡於Gmarket、LuisaViaRoma或透過PayPal賬戶於任何網上商戶(下稱「指定網上商戶」)簽賬*,即可享20倍簽賬積分^!於其他網上商戶簽賬*,亦可享12倍簽賬積分^!
* 須作單一網上簽賬每滿HK$500或以上,方可獲享相關簽賬積分獎賞。
^ 如客戶憑i-card於指定網上商戶及其他非指定網上商戶簽賬,只可分別額外獲得10倍及2倍簽賬積分。每位客戶(以身份證號碼計)於整個推廣期內最多可共獲額外50,000簽賬積分。

信用卡優惠詳情可以去<呢度>睇番。