過年中菜食到怕 優惠價食好「西」

過年中菜食到怕 優惠價食好「西」

相關信用卡:

過年中菜食到怕 優惠價食好「西」

發表日期: 2017 年 01 月 29 日 更新日期: 2017 年 01 月 29 日 生活

作者:甦師父

今日係年初二,年三十晚餐團年飯食完,禽日初一又食咗唔少賀年食品,今日又食開年飯,之後返工仲要春茗,全部都係中式嘢食,唔知大家會唔會有啲食厭嘅感覺,掛住各國菜式嘅珍饈百味?拿,由即日起,美國運通卡喺唔少餐廳都有全年優惠,包羅各國美食,食到年尾都唔怕厭!依家就精選4間餐廳出嚟介紹番,用優惠價食好西。

法國菜:Scarlett Cafe & Wine Bar

法國菜餐廳Scarlett Cafe & Wine Bar位於尖沙咀柯士甸路,雖然位置靜咗少少,但正所謂有麝自然香,周末都幾多人嚟食嘢。嚟呢間餐廳食生蠔就唔少得,藍青口都可以一試。不得不試嘅仲有佢哋個牛肋骨,廚師控制火候控制得好好,微微散出焦香,仲鎖住豐富肉汁,係必食之選。

食法國菜又食紅肉,當然唔少得配番支靚紅酒啦。佢哋個wine list都幾豐富。如果唔係好識酒,都唔使驚瘀而唔敢問,因為佢哋經理好nice吓,有問必答,各位一定能夠飲到啱飲嘅紅酒。

如果腸胃差啲,食唔到多肉同生蠔嘅,咁可以試吓食佢哋個蝦沙律同墨魚汁三文魚漢堡,三文魚熟得啱啱好,非常美味。

優惠:憑美國運通卡於Scarlett Cafe & Wine Bar可享自選食品85折優惠

優惠有效期:即日至2017年12月31日

▼Scarlett Cafe & Wine Bar嘅生蠔,一定要試

▼藍青口都係必食之選

日本菜:「和」日本料理

北角港島海逸君綽酒店嘅「和」日本料理店,其日式庭園風格布置非常舒適,布置上絕無粗製濫造嘅感覺。

至於講到食,吞拿魚赤身魚生同花竹蝦,人人食過都話讚。不過如果想嚟呢度食好好食嘅三文魚,可能就會失望,因為呢間餐廳啲三文魚唔算出色,相反帶子、平政魚等就唔錯。筆者食過咁多次,認為整體上佢哋嘅食物新鮮,非常美味,只係吞拿魚做得太出色,反而令其他魚生被比下去。

優惠:憑任何美國運通卡於港島海逸君綽酒店「和」日本料理簽賬可專享午市、晚市自選食品8折優惠及午市、晚市套餐85折優惠

優惠有效期:即日至2017年12月31日

▼日式庭園風格布置,環境舒適

▼美味魚生同壽司(網上圖片)

阿根庭菜:Tango Argentinian Steak House

法國菜同日本菜大家食得多,南美洲嘅阿根庭菜唔知大家食過未?大家成日聽和牛、美國安格斯牛,唔好以為阿根庭潘帕斯草原上嘅牛無到!Tango Argentinian Steak House呢間餐廳用嘅牛肉都係嚟自潘帕斯草原,肉質較結實,脂肪較少,餐廳廚師用炭同香木燒牛扒時,香味傳遍餐廳,燒出嚟嘅牛扒帶木香同煙薰味。

除咗牛之外,佢哋個前菜Scallop & Salmon Ceviche都值得推介。Ceviche即係檸汁醃魚生,係拉丁美洲嘅傳統菜式,顧名思義,Scallop & Salmon Ceviche就係用上扇貝同三文魚醃製而成,酸酸辣辣咁,幾開胃架。

優惠:任何美國運通卡於Tango Argentinian簽賬可專享自選食品及飲品9折優惠

優惠有效期:即日至2017年12月31日

▼大大塊牛扒,啱晒各位「牛魔王」

▼Scallop & Salmon Ceviche

英國菜:London House

講到各國美食,講排名,英國菜真係唔知會排到邊,不過「地獄廚神」 Gordon Ramsay開嘅London House可能扭轉大家一貫嘅想法。

無錯,嚟到呢間餐廳都係要食炸魚薯條,但要留意係配嘅3個醬,令你感到3種不同風味。除咗炸魚薯條,佢哋仲有芝士薯條都唔錯。另外現場所見,牛肉同豬肉漢堡都唔少人嗌,食落去,無論係味道同口感都好好。

由於呢間餐廳間唔中有live music,happy hour同夜晚落嚟飲兩杯、食吓炸嘢、聽吓歌,都係一種享受。

優惠:憑任何美國運通卡於London House簽賬可專享自選食品及飲品9折優惠

優惠有效期:即日至2017年12月31日

▼最出名嘅英國美食:炸魚薯條

▼呢度嘅漢堡包都唔錯架