週日輕鬆郊遊 3小時尋訪「香港千島湖」

香港人近年最鍾意講「生活態度」，鍾意健康啲行山睇風景，加上部分路線如城門水塘同白千層等地方俾人取景嚟拍MV拍廣告，有唔少人都會去現場「聖地巡禮」，行山嘅風潮自然就更加熾熱。其實平時返工放工都俾石屎森林重重包圍，假日最好就梗係見下啲真．樹林，呼吸下新鮮空氣啦！今次介紹一條比較熱門嘅輕鬆路線俾大家，就係被稱為「香港千島湖」的大欖涌水塘（上圖）。大致路線就係僑興路(楊家村)—黃泥墩水塘—大欖涌水塘—掃管笏(終點)

 

 

喺朗屏西鐵站轉乘接駁巴士K66到達總站後，由僑興路過橋後，一直走過楊家村

往山的方向進發，好快就見到上山入口，之後由於一直到黃泥墩水塘都係單程路，基本上唔會迷路。

到咗黃泥墩水塘的堤壩後，可以按時間決定係唔係去埋神仙轍。神仙轍係來自因水土流失同風化而做成好似有車經過一般嘅痕跡，由於及兩條並排嘅巨大痕跡長達數百米，因而稱之為神仙轍。 由於要避免神仙轍受到遊客破壞，地圖係搵唔到嘅。要去既話就要先走過大壩，左轉會看到一條橋，過橋後穿過「路不通行」警告牌，經過瀑布水潭繼續向上行就會見到神仙轍。

 

回到往大欖涌水塘嘅路上。由黃泥墩水塘的堤壩繼續沿左側嘅石屎路，行到斜路頂向下走就會去到一個開揚的彎位，嗰度已經可以由遠處觀賞「香港千島湖」。當然想從更開揚嘅角落欣賞，可從彎位旁的斜坡向上走約 10分鐘，就能夠以更佳角度欣賞。

 

 

回到彎位處，只要轉回麥理浩徑第十段繼續沿石屎路落斜，就能經過大欖涌水塘的塘邊去到

往掃管笏村嘅分岔路，到達掃管笏村便完成整段二至三小時嘅行程。終點可於掃管笏村乘坐43 號 小巴 往屯門市中心 。

 

今次行程地圖(GOOGLE MAP傳送門：http://goo.gl/VUntB4)

 

雖然今次介紹嘅路程算係容易，不過有啲位都算係多碎石同斜坡，所以最好都係穿著比較「正式」嘅行山鞋，市面上其實很多有售行山裝備嘅地方，例如The Overlander 、毅成、沙木尼等等......另外亦有如一些如Columbia等的品牌專門店。都能夠選購到合用的行山鞋。

 

 

留意如果係去The Overlander購物，如果以匯豐信用卡購買指定正價貨品，係可以享有低至8折嘅優惠。詳情可以聯絡以下商店詢問詳情。

 

另外， 於11月10日前只要憑銀聯信用卡於Columbia香港網上商店http://www.columbiasportswear.hk/；或Columbia香港及澳門專門店購買正價貨品，都可享有8折優惠。留意優惠係不適用於購買折扣貨品。