連男朋友都有得淘?

連男朋友都有得淘?

相關信用卡:

連男朋友都有得淘?

發表日期: 2013 年 09 月 24 日 更新日期: 2013 年 09 月 24 日 購物

作者:Lady C.

每逢過時過節,Lady C.我都有唔少地方係「立入禁止」既,公園啦、海灘啦、戲院啦、所有羅曼蒂克既餐廳啦,見倒其他人成雙成對,好易觸景傷情加嘛……或者,我都應該考慮淘番個男朋友。

我冇打錯字架,淘寶真係有得淘出租男友架!!Lady C.我有日無聊就喺淘寶網Search「出租男友」,點知搜尋結果竟然多達18頁!其中一個「出租男友」自稱「小哥一號」,依位聲稱自己身高1.8m,只要比100蚊人仔訂金,小哥就肯Role play成男朋友,但係行街睇戲食飯依D情侶指定活動就通通都要額外收費,只有擁抱、拖手仔同Goodbye kiss係免費!不過我留意倒「小哥一號」目前未有成效記錄,睇黎佢要努力宣傳下先得喇。



小哥一號夠唔夠Chok?

強國人既創作力量同幻想真係會嚇你一跳,淘寶除左可以淘男友,其實仲有好多騎尼嘢可以淘(見下表),例如「租友」同假肚。「租友」都仲可以話當多功能鐘點咁用,至於個假肚呢,Lady C.我就真係諗唔倒有咩實際用途喇~



我知我係有D衝動,同伴亦都可能會覺得我大整蠱,為左下個月既露營,我就貪得意淘左十幾包「正品軍糧」番嚟,食速成食物先似露營加嘛!雖然好記得有期《100毛》試食過淘寶既「阿兵哥的生化食物」,依足指示將D食材倒有個生化加熱包再等一陣,神奇既熱辣辣咖哩炒飯就可以上碟。可怕既係,碟似糉多過似咖哩炒飯既生化食物賣相極差之餘,仲難食到入唔倒口……我諗唔會出事掛?天佑~我的朋友~


唔知依款阿兵哥的生化食物又伏唔伏呢?

見還掂淘開寶,我又順手淘份生日禮物比個Friend都好喎。然後又一個估唔到,淘寶竟然連真飛機都有得淘,不過就成百萬人仔一架,我買唔起……算啦,都係送D得意嘢,我諗佢一定未試過生日收祝福聖旨同當年今日既報紙啦,佢唔會當垃圾嚟手就扔左去掛?我留意倒DBS卡淘滿$300有3%現金回贈呀,不過今次我張3Everyday Compass VISA就冇份……或者問下朋友有冇上商卡啦,每筆交易有1%立減優惠又有半價手續費,計落都幾抵架。