唔知大家會唔會喺特定日子先去超市入貨?例如星期五、六、日,有啲信用卡都會係指定日子有加倍積分獎賞,可能係就住大家周末心情好啲,行超市時間多啲,買嘢都買得鬆手啲。而家又多一張卡做星期五超市優惠。
講緊嘅卡係銀聯卡,超市就係一田超市,由8月22號至出年2月13號,逢星期五 (11月21號除外) 用銀聯信用卡或者提款卡去超市部買滿$300或以上,即送$50 Coupon (
詳情)。可以用幾張同日發票夾埋去換,只要係同一張卡簽,過$100就會Count,不過淨係超市單先計,百貨部嘅單唔計。而每次每間分店都有唔同Coupon配額,沙田就最多,有440張,其他分店都係120至160張,當日Quota送晒的話就下回請早喇。
中秋之前買定啲日本水果做節,同屋企人開開心心賞月。