近近地過澳門玩番轉

May姐琴日終於結局了，但係仲有星期一至五既借花生仔暗賣鉅記，值入廣告多得咁誇張，雞汁台真係唔怪得Lady C.同其他觀眾一齊撐HKTV。喺別無選擇下，Lady C.日日《巨輪》送飯，除左見倒花生糖、杏仁餅、蛋卷之外，我仲發現原來澳門原來有好多靚景！屬於行動派既Lady C.又想即興去番轉，奈何近排真係玩得太瘋癲，銀彈唔係好夠……咁啦！一於比澳門之行打尖行先，話唔定過個大海可以賺個double呢？

一聽倒「過大海」三個字，朋友即刻斥責：「你又話要挽回形像，要從良嘅？」睇嚟大家對澳門都係有D誤解，今次澳門之行既目的就正正係要話比佢地知，賭場只係澳門既一小部份，澳門其實仲有好多充滿異國葡風既景點！

如果夾倒時間，Lady C.我其實係想spend兩日遊澳既，為左方便行動，我只建議帶備靚衫數套、相機同埋一張Visa卡！事關我留意倒錦倫旅運做緊個Visa Promote，澳門來回船票、旅遊塔入場門票、自助餐等等通通都有着數，一張Visa應該夠用了。

Day 1行程
約中午到達澳門> 入住威尼斯人酒店（方便Day 2行程）> 澳門旅遊塔+Lunch > 大三巴

Day 2行程
澳門漁人碼頭 > 氹仔市集（手信）> 威尼斯人酒店貢多拉之旅 > 賭場

熟識Lady C.既朋友都知道，我名下既玩樂團一向以輕鬆自在為宗旨，絕對唔會清晨6點morning call團友，再旋風式遊景點既。一如以往，我地會訓飽飽先入澳門，而為左方便之後既行程，我會選擇喺威尼斯人酒店下榻，跟手放低D行李就正式展開我地既澳門之行！

喺澳門既第一餐，我打算同大家去澳門旅遊塔既360度旋轉餐廳食自助餐，可以一邊醫肚又可以遠眺澳門市景，真係一個唔錯既選擇~~ 等大家食飽，我地就可以正式上觀光主層睇真D成個澳門，果度仲有全世界最高（233米）既「笨豬跳」，我到時會乖乖地等班鍾意刺激既友仔玩完先去下一站架喇……

旋轉餐廳會以龜速自轉，包唔暈浪之餘仲可以享受一直變化既景色~

喺離地233米既觀景台玩「笨豬跳」，真係少D心血都唔掂

定個神，係時候去澳門地標大三巴牌坊啦！好記得第一次去澳門，仲係小學雞既我離遠見倒大三巴就發晒矛衝過去，上到去先發現原來後面乜都冇！唔怪得叫「牌坊」啦！原來大三巴係聖保祿大教堂遺址，只係因為一場大火將成座教堂燒剩前壁……好晒料呀！(網友功略，同班Friends企晒喺大三巴前最高果級梯，再托個哥仔行落第7級幫我地影相，咁就可以影倒靚人同大三巴全景啦！)