身份象徵?四張Visa Signature卡比較

身份象徵?四張Visa Signature卡比較

相關信用卡:

身份象徵?四張Visa Signature卡比較

發表日期: 2015 年 01 月 13 日 更新日期: 2015 年 01 月 13 日 生活

作者:Lady C.

好耐好耐以前,金卡同白金卡都可以算係身份象徵。不過時移世易,而家金卡同白金卡都一街都係,變咗基本卡,只有Visa Signature同Visa Infinite叫做高級少少 (當然仲有前排引起熱話嘅AE黑卡)。一般人食飯買嘢都係就咁簽卡,咁用金卡、白金卡、Visa Signature又有咩分別呢?香港而家有四張Visa Signature卡,今次就嚟比較下佢哋邊張好用啲。


年薪要求較高
叫得做「Signature」,即係有啲「身份象徵」嘅意思啦,冇返咁上下人工,都申請唔到。不過工銀亞洲嗰張低到$250,000就OK,似乎有拖低門欖之嫌。

優惠升級
除咗發卡銀行,Visa本身都有一堆優惠For Visa Signature,雖然有啲優惠白金卡都會有,不過Signature就再多少少同好少少,例如酒店房間升級、延遲退房、免費房內上網可以喺更多酒店用到、機票艙位升級優惠等等。

年費與白金卡相若
優惠同服務好啲,但年費未必會貴啲,睇返有出Visa Signature卡嘅銀行,年費同佢哋嘅Visa白金卡一樣,主卡都係$1,800。不過要Waive的話,每年簽賬額就可能會高啲。


旅行專用-Citibank PremierMiles信用卡 (詳情)
可以話係去旅行必備嘅卡之一,海外簽賬$4=1里數,或者2%回贈。積分可以換9個飛行里數計劃同2個酒店常客計劃嘅里數或積分,包括常用嘅Asia Miles、FrisFlyer、BA Executive Club,而且積分冇限期,換里數又唔使錢。仲有好多人都想要嘅免費入香港機場貴賓室 (每年4次),的確幾好用。

平衡度高-DBS Eminent Card (詳情)
申請門欖稍為低啲 (年薪$360,000),優惠亦算好用,例如海外及網上外幣簽賬3%現金回贈、全港食肆3X DBS$、電影戲飛8折、Pacific Coffee手調飲品7折、7折租用Wi-Ho Wi-Fi Router,都係經常用得著嘅。

賺「錢」必備-匯豐Visa Signature卡
用得匯豐卡都識玩「最紅自主獎賞」同「最紅星期五」啦,匯豐Visa Signature卡將呢兩個「最紅」獎賞加強,凡係屬於「最紅自主獎賞」六個類別嘅簽賬,會額外有3X「獎賞錢」,即係冇加乘嘅類別變成4X,加埋6X類別會有9X,星期五11X就有14X,超好賺。加上匯豐間唔中就有啲唔錯嘅簽賬優惠,用得過!

門欖最低-ICBC Xplore Visa Signature 卡
呢張卡入息要求係四張卡入面最低,只要$250,000年薪,不過申請時要同銀聯雙幣白金卡一齊申請。佢有「得一賞二」優惠,例如戲飛、咖啡、飲食等買一送一,亦有寵物用品優惠,優惠都比較生活化。不過佢嘅獎賞計劃係每月自動做現金回贈,$1回0.5%,都好低下,兼冇得儲積分換里數。仲有我去睇官網睇T&C,仲未Update有啲優惠日期仍然係2014年12月31日,仲未Update,唔知會唔會有變動呢?