身份盜用影響深遠 個人私隱全力把關

最近有一項調查發現，每5位香港人之中就有2位本人或身邊親友曾經被盜用身份，情況值得關注。身份被盜除咗會有即時嘅經濟損失之外，仲有可能嚴重影響日後人生大計，所以要全力保護好個人私隱，避免不幸。

信貸報告是甚麼？
信貸報告記錄咗用戶嘅信貸活動，包括提供信貸或貸款嘅機構名稱、信貸限額、貸款額、還款紀錄、以及拖欠債項、破產、追討債務相關嘅法律行動等紀錄。

信貸評級影響借貸
以上各種資料都會影響信貸評級，當申請按揭、汽車貸款、申請新信用卡時，銀行或財務機構都會參考申請人嘅信貸報告以作出評估。

身份被盜後果嚴重
如果身份被不法分子盜用，然後用嚟申請多個貸款戶口或信用卡，除咗直接嘅金錢損失，仲可能會降低信貸評級，隨時有預計唔到嘅後果。曾經有個案，當事人要買樓，申請樓按被拒，當事人查返先發現身份被盜用咗嚟出信用卡，而且有欠款未償還，導致信貸評級被拖低，銀行唔批樓按。最後當事人因此而被逼放棄置業機會，仲要撻訂蝕錢，嚴重影響人生大計。

根據最近一個調查報告，有超過5成人表示擔心身份被盜用，佢哋最擔心嘅係即時財務損失 (82%)，補領身份證同更換銀包等個人物品 (72%) 等的短期影響，但就只有49%受訪者擔心身份盜竊會拉低信貸評級。由於信貸記錄會保留幾個月至幾年不等，萬一信貸評級因為身份被盜而拖低，影響更加長遠。

信貸提示助你加強防範
金融機構為客戶開立信貸賬戶 (信用卡、貸款等)、或貸評級有重要變動時，環聯都會經電郵及短訊發出提示服務，當用戶一發現有不尋常動靜，就可以即時應變，將損失減到最低。

信貸賬戶一有動靜，即時收到SMS通知。

信貸報告及提示其他優點
申請環聯信貸報告，除咗有信貸提示之外，仲有以下優點：
－環聯提供獨有嘅全面信貸資料記錄
－無限次查閱信貸報告，唔會影響信貸評級
－定期更新信貸評級
－無合約限制，可以隨時取消

時刻監察及關注自己信貸評級，防範身份盜用於未然，即刻申請環聯信貸報告及提示服務。