踏入貓貓地盤•貓貓地Cafe - Stella Yeung

Cafe位置係旺角豉油街 , 係女人街附近好易搵


入到去要除鞋 , 之後會比消毒啫喱我哋消毒
保持乾淨 , 對我哋對貓貓都好 , 好貼心 ~


餐牌入面有請收費 , 唔一定要嚟食嘢嘅 , 可以只係飲嘢都無問題
入場費只包一小時 , 之後每小時$30


餐牌最後幾頁頁會有一個"愛貓守則"
守則會話你知唔可以對貓貓點樣
貓貓會點樣會唔鍾意


最後個兩頁會有介紹貓嘅名
我問咗 係CAFE依到一共有十幾隻貓
咁佢下面有佢地嘅屋企啦 一共有四十幾隻貓 ~


真係好多貓貓㗎, 仲一啲都唔怕人


Cafe仲會比一份貓貓嘅零食 , 比我地自己去餵貓
啲貓貓就唔會唔睬我哋啦 , 好貼心啊x2


啲貓貓睇到我有零食 , 會自動過嚟搵我
仲會啲貓貓會坐住等我比零食佢添 So Cate <3


為咗食零食 , 仲上咗抬望實我
最後我都忍唔住 , 比咗好多零食佢


去得Cafe當然要食嘢啦
點咗杯明目菊花蜂蜜茶 , 味道都唔錯㗎好清新


我將套餐升級 , 會有餐湯 ,餐包 , 仲有個甜品
升級套餐加$40


主餐嚟了啦~
揀咗豬扒思華力腸配薯菜
薯菜好足料 , 薯仔真係好好食 好似食緊一粒粒薯仔咁啊
思華力腸炸得啱啱好 , 外脆內軟
而豬扒就普普通通無咩特別~


最後甜品係香草雪糕配窩夫~ 整得好靚啊


自己食完飯就繼續同貓貓玩
一坐係中間拎住啲貓貓零食 , 結果...
變咗全場最受貓貓歡迎嘅客人啦 哈哈


依個叫霸氣嘛  哈哈


仲識望鏡頭添啊 , 好叻啊
我全程都笑得好燦爛完完全全比啲貓貓溶化晒


依隻貓貓由我入Cafe到我差唔多走嗰陣
都係到訓教 , 真係有咁訓教咩 我影咗你相都唔知 HAHA


發現有幾隻貓貓好鍾意瞓到鞋櫃嘅最高處
訓住客人啲鞋到 , 等啲客人唔敢打擾佢哋
這是策略嗎? HAHA