超大型餐廳節Taste of Hong Kong 3月16日襲港

號稱全球最大型嘅餐廳節Taste of Hong Kong又嚟喇！活動由IMG主辦、渣打銀行隆重呈獻，第二屆「Taste of Hong Kong」將於3月16日至19日假中環新海濱舉行，比首屆擴展多25%，為期四天嘅美食節網羅咗城中16間一共集合10粒米芝蓮星星餐廳，多位名廚會炮製日本菜、法國菜、廣東菜及意大利菜等菜式。來賓仲可以品嚐返上屆Taste of Hong Kong最受歡迎嘅菜式！當中包括天龍軒嘅蜜燒西班牙黑豚肉叉燒、都爹利會館嘅芥末香煎澳洲M9和牛粒等，諗起都流晒口水。

今次參展餐廳包括Amber、Arcane、Café Gray Deluxe、CHINO、都爹利會館、Kaum at Potato Head、Mercato、Okra、Rhoda、RONIN、Serge et le Phoque、天龍軒、Tosca、Yardbird 及ZUMA，以及從巴黎遠道而來的著名餐廳Kei Restaurant。

另外，活動中最吸引莫過於可以於超過 50 道精選菜式中自行挑選同設計夢幻餐單！當中仲可以享用限定菜式，咁多美食，入場只需要港幣50蚊至250蚊咋！聽講菜式用料刁鑽，例如CaféGray Deluxe嘅「法國帶子伴XO汁及意大利檸檬」、Amber嘅「惠比壽生蠔配梅子、甜菜頭冰沙及黑胡椒」等；而限定菜式就有CHINO嘅「黑松露海膽辣龍蝦脆夾餅」、都爹利會館嘅「蒜蓉芝士焗乳龍」及Kei Restaurant嘅「意式馬鈴薯丸子配黑松露伊比利亞黑毛豬火腿」等等，聽到有咁多美食，未出發先興奮！

Tosca限定菜式及活動限定菜色「美國優質牛、蕃茄醬」

Kei Restaurant限定菜式及活動限定菜色「意式馬鈴薯丸子配黑松露伊比利亞黑毛豬火腿」

Amber活動限定菜色「惠比壽生蠔配梅子、甜菜頭冰沙及黑胡椒」

門票現於Ticketflap公開發售，網上預訂價格由港幣 138 元(平日)同港幣 168 元(週末)起；貴賓通行證持有人可享用快速通行服務、貴賓室、價值港幣 300 元嘅代幣同 3 杯免費飲料，門票定價分別為港幣 598元(平日)同港幣648元(週末)。如果你係HongKongCard會員，上Ticketflap買飛可以享受到低至74折優惠，輸入promocode之後，買Weekday門票價由＄168減至$124.20；Weekend價由＄198減至$151.20！但留意返每張門票都要收＄10手續費。

HongKongCard會員註冊及優惠使用流程

1．開啟瀏覽器，網址輸入www.hongkongcard.com，按畫面左上方按鈕。