走遍大江南北 銀聯雙幣卡內地消費極方便
走遍大江南北 銀聯雙幣卡內地消費極方便
相關信用卡:

走遍大江南北 銀聯雙幣卡內地消費極方便

發表日期: 2014 年 07 月 23 日 更新日期: 2014 年 07 月 23 日 生活
作者:Lady C.

喺香港習慣碌Visa同MasterCard卡埋單,但北上消費碌卡就當係海外或者內地簽帳,要俾手續費,都係用返銀聯雙幣卡好啲。而且直接用人民幣結算,唔使唱錢帶住一大舊錢,方便好多。香港有好多銀聯雙幣卡可以選擇,Lady C.就搵咗幾張嚟睇下有咩好處。


建行(亞洲)銀聯雙幣信用卡 (詳情)
呢張卡永久免年費,海外簽賬手續費同外幣折算費全免。坐中港跨境巴士同埋租車都有優惠,而佢儲嘅積分可以兌換成人民幣或港幣回贈。
可換里數:Asia Miles (只限白金卡)

工銀亞洲銀聯雙幣信用卡 (詳情)
搭過大陸飛機都知,航班經常會因為空中流量管制而Delay,呢張卡可以享用國內48個機場嘅機場貴賓廳,可以話係經常飛大陸嘅人嘅恩物。呢張卡坐廣深鐵路亦可以快速入閘,唔使用排隊買飛,慳好多時間。
可換里數:金鵬俱樂部、鳳凰知音、明珠俱樂部

交通銀行銀聯雙幣鑽石卡 (詳情)
每次喺香港同海外簽賬,或者國內「餐飲」同「酒店」類簽賬300人民幣或以上,嗰張單就有雙倍獎賞積分。全年累積簽夠某個數,可以免費用China Fast Track航空服務,不過最少要150,000先有1次。
可換里數:Asia Miles、鳳凰知音、明珠俱樂部、東方萬里行 (已更新,多謝percysmith c hing指正)

中銀銀聯雙幣白金卡 (詳情)
Lady C.身邊有啲朋友娶咗個內地新娘,喺深圳有頭住家,用呢張卡有個好處,就係可以用網上銀行或自動轉賬交深圳區嘅電、燃氣、有線電視、寬頻、電話等雜費,仲可以儲埋積分。而主卡同附屬卡都可以預設每月信用額上限,最啱佢哋出俾老婆用。仲有電子錢包流動支付服務,用支援NFC嘅手機透過銀聯QuickPass交易。
可換里數:Asia Miles、國航知音 (鳳凰知音)、東方萬里行、明珠俱樂部

永隆銀聯雙幣白金卡 (詳情)
呢張卡亦可以交深圳地區嘅商戶雜費,不過佢只可以自動轉賬方式交。由而家至12月31號,用佢喺內地酒店住宿同餐飲類簽賬有三倍積分。
可換里數:Asia Miles

匯豐銀聯雙幣信用卡 (詳情)
其實呢張卡冇咩特別,只有交深圳地區嘅商戶雜費,同埋用「最紅自主獎賞」儲「獎賞錢」。
可換里數:Asia Miles

Citibank Rewards 銀聯信用卡 (詳情)
呢張卡嘅本地優惠比較多,積分永久有效,唔怕過期。
可換里數:Asia Miles、Krisflyer、SkyMiles、皇家風蘭、優悅會

渣打銀聯雙幣白金信用卡 (詳情)
登記咗之後,每個月喺香港或大陸簽滿港幣加人民幣$4,000 (人民幣$1當港幣$1計),就有2%現金回贈,最多回$200,而積分永久有效。
可換里數:Asia Miles、Krisflyer