【購物】加入商場會員計劃,賺取雙倍獎賞

【購物】加入商場會員計劃,賺取雙倍獎賞

相關信用卡:

【購物】加入商場會員計劃,賺取雙倍獎賞

發表日期: 2015 年 03 月 18 日 更新日期: 2015 年 03 月 18 日 購物

作者:儲里數新手

簽邊張卡抵,相信大家在HongKongCard的forum已經好易搵到相關討論尤其是大家都無私分享各張信用卡的推廣活動,消費前參考下,包你唔會蝕!


所以,今次我想分享下如何「食兩家茶禮」!其實除左信用卡的消費獎賞之外,好多大型商場都會做推廣如果你純粹係要去連鎖店消費,好似買電話咁,大拿拿幾千蚊,反正間間都係一樣價錢,就梗係揀間可以賺埋商場消費獎賞的分店入手啦!

以下的表格就綜合左港、九、新界幾個商場的會藉計劃大家先研究下點儲分先啦!

至於換領獎賞,由於太過五花八門,部份商場係換coupon,有d就換返禮品,個別商場仲會定期轉兌換list實在好難一概而論。

好似八遲通個日日賞計劃,幾個mtr mall平日晚市個額外獎賞,四個參加計劃的商場之要求都唔同,額外獎賞亦有少少分別。

例如mega box咁,每期都有唔同禮品,舊年係4分換一支卡通筆,今年15分就換到本靚靚記事本。

又例如德福個smart $,一樣係有時限性,今期儲到4月12日,最少3,500分換到pacific coffee咖啡券,最貴16,000分換返$100商場現金券。

至於elements club,入場門檻係最高,但禮遇同樣比較優越,好似商場入面設有會員專區,俾會員入去嘆下咖啡咁。另外分數除左換現金券,仲可以換到Asia Miles添~不過99,999分先換到$500或者2,200AM......

其實仲有ifc都有會員計劃,但網上資料一句都無提及點樣入會/儲分,淨係之前citibank有邀請過客戶入會,所以暫時無資料可以提供了。

以上介紹只係包括左商場本身的常規獎賞計劃,其他推廣好似指定時間入面消費滿指定金額就換到coupon個d,由於成日都會轉,
加上同以上計劃相沖(不能同時換領),所以就省略左。

最後提提大家,大部份會藉積分都係一年有效,由1月1日至12月31日計算,所以臨近年尾最好望夠分換咩,唔好白白浪費左d分數啊!