香港係購物同美食天堂,好多旅客都鍾意嚟香港玩,不過有啲無良商人就專門呃遊客,例如啲參茸海味喺個價錢牌上面寫到個「両」字鬼咁細,整衰晒香港個名。所以香港旅遊發展局推行「優質旅遊服務」計劃,方便遊客分辨值得信賴嘅商戶,產品資料亦會清晰列明,明碼實價,確保客人會得到優質服務,當然呢個「優」字標誌亦都方便到我哋香港人啦。