賀壽有著數 信用卡生日優惠 (2017版)

賀壽有著數 信用卡生日優惠 (2017版)

相關信用卡:

賀壽有著數 信用卡生日優惠 (2017版)

發表日期: 2017 年 03 月 14 日 更新日期: 2017 年 03 月 14 日 生活

作者:積克

生日有人請食飯、送禮物梗係開心,不過好似我呢啲毒男,年年都係自己同自己賀壽。點都好,生日都要快樂,有啲卡食生日飯有得平、有酒有蛋糕送、買嘢又有額外積分、回贈,無論一班人定一個人過生日,都可以喜上加喜。

注意優惠使用日期
生日優惠適用嘅日子通常分兩種,一係生日當日,一係生日嗰個月內。而美國運通I.T Cashback卡就比較長,生日當月同下一個月去I.T同I.T旗下指定專門店買嘢都會有折。

食飯需要提前預約
通常食飯要用生日優惠,都要預早2-3日預約 (特別係酒店餐廳),同埋要帶埋指定信用卡埋單,先可以用到優惠。

與全年優惠合併使用
唔少信用卡都有酒店餐飲全年優惠,如果用咗生日優惠,就要問清楚仲可唔可以用埋全年優惠。而匯豐白金卡或以上卡種就可以指定酒店嘅餐廳可以兩種優惠一齊用,有折之餘仲有生日蛋糕、餐酒 / 汽酒送。

有著數再賺分
食生日飯除咗用送蛋糕、送酒、折扣優惠,再用埋食肆有額外獎賞嘅卡,咁就慳得嚟又再賺多一重。

例如用Visa生日優惠,去隆堡麗景酒店Café Express食自助晚餐,星期六成人每位$518,4個人一共$2,072,8折後$1657.6,加埋原價加一$1,864.8。

例如用匯豐Visa Signature卡,「最紅自主獎賞」「賞滋味」編配咗5X額外「獎賞錢」,再加埋Visa Signature卡有額外3X「獎賞錢」,就可以賺到$63「獎賞錢」。

但係要留意,酒店食肆簽賬可能會當係酒店簽賬,而唔係食肆簽賬,如果之後發現賺唔到分,可以聯絡銀行,睇下追唔追得返。