買股好定買樓好?

買股好定買樓好?

相關信用卡:

買股好定買樓好?

發表日期: 2015 年 01 月 16 日 更新日期: 2015 年 01 月 16 日 生活

作者:任以風

手上有舊錢想投資,買股定買樓?恒地四叔就成日話「買股好過買樓」,究竟用電腦揸沽揸沽好定係買舊磚頭放係道好?將四大地產商股價同旗下樓盤呎價,分長、短期比一比,可能搵到方向。



樓盤選了同為九龍區的長實麗港城、恆基新都城 、新鴻基東港城和新世界發美孚新村,各一個單位,呎價為2004年的成交價和2014年12月放盤價。而股價則採用2004年1月2號收市價和2014年12月31號收市價。假設股樓都由2004年沙士低位開始持貨,到2014年離場。


以十年期投資來說四個樓盤都比股價升多50%以上,美孚新邨總值更加升三倍以上!04年還可以做9成半按揭,以上述美孚新村單位為例:04年總價$180萬做九成半按揭$9萬蚊就買到樓,長實當年一手要五、六萬,其實差不多,加上即買即租搵人供,買樓其實好好賺。別以為馬後炮無用,經濟是個週期,不會永遠坐在頂峰,不想再做揼心口一族下次就要識做。同時由於長期持有,受經濟週期上影響較低,價跌咗可以收租繼續坐。

如果不想長揸,做較短期的三年投資,答案會否不同?樓盤選了同樣屋苑,呎價為2011年的成交價和2014年12月放盤價。而股價則採用2011年1月2號收市價和2014年12月31號收市價。


三年期的結果不太一致,新世界和恒基股價均比樓盤升得多,再者差距也不如長線數據明顯,如此看來短期投資在升值率上可以有較大彈性。值的注意的是短期投資不穩定因素較多:傳染病、樓市辣招、投資移民政策和資助房屋供應等等,而股票比樓有更高流動性,止蝕離場較靈活。

總括而言,長線買樓短線買股比較穩陣,有人可能話:「車!我All In買騰訊一早發_咗!洗咩咁計!」你睇到,你叻叻豬。但如果你見高怕低,見低怕更低,不如做定期!你永遠不會成功.jpg!