買書有折 抗衡新教科書改版加價
買書有折 抗衡新教科書改版加價
相關信用卡:

買書有折 抗衡新教科書改版加價

發表日期: 2014 年 07 月 10 日 更新日期: 2014 年 07 月 10 日 購物
作者:Lady C.

雖然Lady.C仲未結婚生仔,不過同朋友傾開偈,都知道而家生仔真係超大壓力。佢兩公婆為咗養兒育女、供書教學,爭學位爭崩頭唔在講,未計基本生活需要,由細個報Playgroup、補習班、興趣班、兩兄妹加埋個個月成一皮嘢咁俾出去,皮費超重。特別係書簿費,教科書年年改版年年加價,認真㩒計。搞到佢哋慳得就慳,飯又唔敢出街食,衫又唔捨得買,真係辛苦得來又偉大。


到咗暑假,又要準備買新書新文具。(圖片來源:Wikipedia﹚

不過Lady.C留意到最近上海商業銀行中銀都有同書局做緊優惠,買教科書、參考書都有折扣或者回贈,仲可以做分期,買文具亦有折,即時彈俾佢哋,應該可以幫輕下佢哋個重擔。希望啲書商生生性性,唔好到開學都仲未出齊晒啲教科書,等佢哋食到個優惠啦。

有優惠就幾時買都得,唔洗去書展迫。