識影 一定加返個鏡

識影 一定加返個鏡

相關信用卡:

識影 一定加返個鏡

發表日期: 2014 年 06 月 10 日 更新日期: 2014 年 06 月 10 日 購物

作者:積克

大家好,小弟剛成為HongKongCard嘅blogger,望各位多多指教。

話說小弟嘅細妹最近迷上左韓國男團EXO,老實講,我起初真係唔知EXO邊個打邊個,咁自然上網睇下佢地有咩咁勁喇,點知一睇,真係唔講得少,唔單止一大班fans捕係機埸度接機,仲誇張到有人擔梯,攞櫈仔,你以為係職業龍友喇,點知望真啲,女黎嘅,睇落得果十幾歲人仔,之但係人地拎果支炮,真係分分鐘勁過隔離影佢果個攝記,世界變喇,以前就話拎張yes卡出黎,叫四大天王簽下名,而家追星都要講硬件,再遲啲可能拎部手機出黎影,都驚俾隔離果個妹妹笑呀,所以話今時今日用手機影相,都要upgrade下喇,加返個鏡頭傍下身先得。

之但係唔講唔知手機鏡頭真係花樣多多,淘寶幾草野一個所謂嘅鏡頭,吹到又廣角、又微距、又魚眼,就咁聽仲以為係單反添呀,再望下件野,原來得個夾,再加粒鏡頭,叫你夾係部相機度,咁就叫加左個鏡頭?差啲仲以為係出奇蛋入面個玩具呀。

Sony DSC-QX10細細部,搭埋手機,就可以扮下相機,輕便易用。

所以話既然加得個鏡頭係手機,起碼都要有wifi喇,咁樣至少一大班人自拍果陣,鏡頭同手機分開,用手機遙距影相,隻手唔洗下下都要舉到鬼死咁高,影完先知影唔晒啲人,又要埋過晒位,舉多次手,角度仲要永遠都係高炒添,撞岩而家成功申請匯豐信用卡,於首60日簽滿5,000元,即可獲享迎新禮品鏡頭型數碼相機Sony DSC-QX10(詳情按此),參考香港格價網啲價,呢個鏡都賣成千五銀,而家簽五千就有,可以考慮下,呢個鏡頭當相機獨立用又得,加落手機度用又得,而且個鏡頭有成1820萬像素,得果90克重,真係輕過部手機,唔洗下下帶部單反出街。
###多謝師兄提醒,原來小弟忽略左其中嘅魔鬼細節(詳情按此):「相機」可憑兩份分別給兩位合資格持卡人的禮品換領通知書免費換取,或以一位合資格持卡人的一份禮品換領通知書附以港幣660元(全新信用卡客戶)/港幣780元(現有客戶)換購。小弟為本文對大家所造成嘅誤會,致以萬分歉意。

10倍光學變焦範圍,影下遠距離、人物特寫,都幾夠用。