講股講樓蘇民峰準唔準?
講股講樓蘇民峰準唔準?
相關信用卡:

講股講樓蘇民峰準唔準?

發表日期: 2015 年 02 月 13 日 更新日期: 2015 年 02 月 13 日 生活
作者:任以風

蘇民峰師傅2003年用300萬起家投資,用7年時間將身家翻100倍至3億,呢兩晚睇電視見到佢預測羊年股市樓市,即刻雙眼發光,聽完整理出三個重點:

1.)2015係單數年,一般先升後跌,現時適合買入,5月6號或者8月8號這兩天應沽貨。
2.)股市中屬水板塊比較強勢,例如航運、貿易同濠賭。
3.)今年係樓市關鍵年,一係唔跌,一跌就跌三、四年,跌足三、四成。
信嘅唔好買住,唔信嘅唔好蔑住,點都睇下蘇師傅往績,同佢結算下先!

2011年兔年(03/02/2011-22/01/2012)
蘇師傅年頭預測樓市高企,直至2013年才「有機會」大跌三成至四成,到時是入市好時機,而恒指高位有望升至29000點。該年中原城市領先指數由91.45輕微上升到94.75,恆指由約二萬三跌13%至二萬點水平。

2012年龍年(23/01/2012-09/02/2013)
呢一年佢話樓市虛火秋後將盡,本地實體經濟及樓市未來三年進入寒冬。而當年是大水年,股市起伏不定,但有虛火。另一方面2013年起連續三年均屬火,交投勢必慘淡,叫市民準備足夠現金,在往後三年進可攻退可守。這年樓價指數由94.47升至120.66,升幅近三成,而秋冬升勢持續。恆指由20,110點升至23,215點。

2013蛇年(10/02/2013-30/01/2014)
蘇師傅預測2013年樓市春天仲有個小陽春,但質疑夏天樓價能否持續攀升,建議市民想買樓不妨再等,如果樓價2013開始跌,不用急,因為一跌通常跌幾年。至於股市,2013單數年多數會先升後跌,股災年87、97同09年,都是年尾下跌的,建議年頭入市,年中起獲利離場。樓價指數當年由121.73升上試123.45,再跌至117.56。恆指年頭是23,215點反覆下跌至年尾22,035點。
2014馬年(31/01/2014-18/02/2015)
蘇師傅不看好今年經濟大勢,2013年起中港兩地經濟表現呆滯,而馬年比蛇年更差。樓市方面繼續堅持樓價在2013-2015間逐步下跌。股市向橫穩定發展,只利短線投資,股市會先跌後升,投資首選屬火的股票,如科網、石油及煤炭等。樓價指數由118.31再上升約一成半至最新的136.64。恆指向上發展,由21,397點升約14%至24,442點(2015年2月12日收市價)。

唔信嘅人可能覺得好無聊,不過林大輝議員喺尊貴嘅立法會議事廳咁樣評價689施政報告:「我去報攤買本羊年運程書,收穫可能更加大」,香港信堪輿學家嘅人肯定多過689個,影響力好大。信風水命理嘅咪參考下,唔信咪當練習下思考能力。