計數實例（二）兌換免費機票的機會成本
更新日期: 2014 年 11 月 06 日
承接上篇 計數實例（一）Asia Miles兌換免費機票 VS Upgrade機位？識揀一定係咁揀！
大家應該粗略感覺到無論係兌換定係升等機票，里數價值都係愈高艙等就會愈高。不過我計的時候已經諗︰其實真係要計，係唔止咁簡單的......
點解咁講？參考以下二個情況就明白的了！
(以下計算會沿用上篇的大阪行程做例子，這樣會比較易明)
一︰買機票可以簽卡賺里數
這方面相信唔難明白，由於碌卡買機票可以儲里數，在經濟學中的「機會成本」中，有關里數都係成本之一，所以你以里數兌換機票的話，無得賺分，應該要計埋有里數才算公平。若將所"損失"的里數計入兌換機票的成本，雖然無影響排名，但里數價值就會降低！
* $6=1里之兌換率乃參考DBS Black Card而定
一比之下，里數價值大概會下跌一成左右，不過就無影響排名，依然係用50,000換商務最抵搭！
二︰買機票可以簽卡賺里數
頭先講左最基本計算成本的方法，玩得儲里的朋友，點會咁straight forward丫~~市面上咁多間銀行、咁多張卡，總會有信用卡在做推廣優惠的！
就拎上月啱啱將簽帳兌換里數的比率調整至$6=1里的美國運通國泰尊尚航空信用卡為例，本身在CX網頁買機票已經可享$6=2里的優惠
再加埋早前的推廣，簽滿$8,000再送2,000里，已經預見里數價值將進一步降低......
計及有關推廣後，就連最高里數價值的商務客位機票都跌至 $0.35per mile (累積減幅高達20%)，亦即係表示用多左13,241里數才換到機票，差不多等如一張來回台灣的econ了！由此可見，信用卡推廣的威力真的不容忽視呀~
不過講到尾，里數價值只係一個參考數值，用來客觀比較你換邊個目的地的機票較划算！有時唔係話抵就要夾硬換架嘛，最重要係配合自己的行程，如果你當台灣係第二個家、每年要去台灣最少三次的話，就算用15,000兌換來回台北/台中/高雄來回機票。我都唔會話你笨架，淨係感情分、情意結呢兩樣，已經賺返晒啦......係咪？？？