親子水族館之旅

而我不知道鯊魚係咁脆弱的。原來海洋公園唔只養死過6條鎚頭鯊，仲有80條藍鯨吞拿同中華鱘都曾經死喺海洋公園手下……唔知大家對今日既海洋公園水族館有咩感覺呢？鯊魚隧道、水族觀景窗、觸摸池、唔同size既水族箱……海洋公園水族館喺模式上冇錯已經可以同世界其他水族館睇齊，但係海記好似爭左D「鎮店之寶」咁。

而如果你同你既小朋友都鐘意海洋世界，有時候想搞親子活動又冇idea，不妨一齊去見識下世界其他水族館呀，可以趁住有信用卡優惠搞個親子水族館之旅喎！

不過如果成個團只係得個睇字，小朋友可能會嫌悶。要有嘢睇又有嘢玩仲有折扣，新加坡S.E.A.海洋館會係一個唔錯既選擇，事關喺12月31日前用MasterCard買家庭套票會有74折優惠呀~

其實S.E.A.海洋館既元素都不外乎上文提及果幾樣嘢，只係館方喺一D小細節上既舖排真係值得一讚，例如：鯊魚隧道海床高度適中（如下圖），配合護士鯊習性（鐘意pa喺海床），等遊客可以近距離親親鯊魚；而佢個全球最大水族觀景窗唔只有3層觀景台，前面仲有豆袋床，等遊客可以睇到累可以攤抖一下之餘，亦可以用唔同角度欣賞海底世界。

到時睇完10萬種海洋生物自由自在咁暢泳，可能大家都會好似我咁想游埋一份！咦，可以去埋隔離個水上探險樂園個大魚缸度玩浮潛喎~ 既然身已濕，陣間玩水上繩網陣、平衡木同河道漂流果陣就唔會有顧慮啦~~~~


如果遊水族館唔係你唯一目的，你或者會對有「日本夏威夷 」之稱既沖繩感興趣D~ 雖然近排並無去沖繩既超值優惠，但係都有D沖繩旅行團或自由行套票$100折扣呀，有興趣既朋友可以參觀完日本沖繩美麗海水族館既「鎮店之寶」──人工繁殖鯨鯊、超大碼鬼蝠魟，同埋罕見深海未知物種，如發光蝦、黑尾黑刃魣等，再去由壓克力玻璃製成既觀景窗感受下置身水中既感覺，最後先spend幾日去享受沖繩無盡既陽光與海灘同潛水熱點啦！


新加坡S.E.A.海洋館
地址：新加坡聖淘沙名勝世界
電話：(65) 6577 8888
S.E.A.海洋館票價：~HK$466（成人）/ ~HK$340（小童）
水上探險樂園票價：~HK$183（成人）/ ~HK$126（小童）
交通：從樟宜國際機場乘的士約半小時抵聖淘沙，或乘纜車、RWS 8公車、聖淘沙捷運等

日本沖繩美麗海水族館
地址：沖繩縣國頭郡本部町字石川424番地
電話：(81) 980 48 3748
票價：1,800日圓（成人）/ 1,200日圓（中學）/ 600日圓（小學）/ 6歲以下（免費）
交通：從那霸機場到水族館：乘車~2.5小時 / 乘高速巴士~3小時

新加坡優惠
1. S.E.A.海洋館家庭套票
https://www.hongkongcard.com/bank_privilege_show.php?id=14872190&txt_keyword=%E6%96%B0%E5%8A%A0%E5%9D%A1

2. 新加坡3日2夜套票
https://www.hongkongcard.com/bank_privilege_show.php?id=8921109&txt_keyword=%E6%96%B0%E5%8A%A0%E5%9D%A1

3. 新加坡來回機票折扣
https://www.hongkongcard.com/bank_privilege_show.php?id=2017563&txt_keyword=%E6%96%B0%E5%8A%A0%E5%9D%A1

沖繩優惠
1. 沖繩自由行套票折扣
https://www.hongkongcard.com/bank_privilege_show.php?id=14895967&txt_keyword=%E6%B2%96%E7%B9%A9

2. 沖繩旅行團 / 自由行折扣
https://www.hongkongcard.com/bank_privilege_show.php?id=13426118&txt_keyword=%E6%B2%96%E7%B9%A9